Abbreviations Legenda | Symbols Legend

càlchi , agt: carchi, crachi 1 Definition agt. indefiniu (balet po ómine e po fémina sing.) po inditare unu tanti chi no est precisu e a dónnia modu sèmpere pagu; cun is números inditat unu tanti no própiu giustu = unos… Synonyms e antonyms cabancunu, cachi 1, callinchi, calunu, cancunu, cantu 3, concu 2 Sentences carchi bellu líbberu no mi lu buscas? ◊ carchi cantu de linna a su fogu za bi l'amus ◊ carchi cosa amus a fàghere! 2. at àpidu un'arzolarzu chi ndhe aiat carchi milli imbudos, de trigu ◊ ant a èssere carchi deghina cussos chi sunt benindhe ◊ carchi chilu de peta còmpora! ◊ li at dadu calchi ses dinaris po agiunta ◊ abberindhe s'istrada, pustis de carchi paja de chidas de triballu ant àpidu nodu frimmu (N.Osu) Translations French quelque English some Spanish algún Italian qualche, circa German einige.

càncu , agt Definition calecunu: a su f. faghet càncua Synonyms e antonyms calchi, concu 2 Sentences a cancu piciochedhu dhi segu sa scova in conca, mancai siat fillu cosa tua! ◊ si callentat tanti po fai càncua cosa ◊ depit èssiri arrésciu in canc'unu logu Translations French quelque English some Spanish algún Italian qualche German einige.

càntu 3 , agt: Definition genia de agt. de cantidade chi si podet adatare o nono a su foedhu chi acumpàngiat (unas cantas tatzas, o unas cantus diis, unas cantu féminas) e s'impreat fintzes coment'e prn. Synonyms e antonyms calchi Sentences poi bufadas unas cantas tatzas, dogni cosa chi bidet paret tundha ◊ apustis de unas cantus dis fut torrau ◊ oi si contu unus cantus miràculus chi at fatu frà Nàssiu de Làcuni ◊ si ndi at pigau unas cantus prunas ◊ apu biu sceti unas cantu piciochedhas, gioghendi in s'ispuntoni… (A.Garau) 2. unus cantus dh'iant acusau ananti de su meri de ispaciai is bènis suus Translations French quelques English some Spanish unosas cuantosas Italian alcuni German einige.

chimbantèna, chimbantína , nf: cincuantena Definition unu tanti de chimbanta, mancari no precisu, unos o unas chimbanta Etymon srd. Translations French cinquantaine English some fifty Spanish cincuentena Italian cinquantina German etwa fünfzig.

cóncu 2 , agt: cuncu 2 Definition (f. cúncua) foedhu chi si narat po inditare unu tanti pagu precisu, unos cantu Synonyms e antonyms cabancunu, calchi Sentences baidindi de ogus mius, prima chi ti aciúngia concu cropu! ◊ funt cuncus cincu milla ◊ cuncu muru oi ndi arruit ◊ custus non s'istimànt apari e fadiant dógnia tanti cúncua tírria Translations French quelque English some Spanish algún Italian qualche German enige.

istrizídu , pps, agt Definition de istrizire; chi ch'est unu pagu istesiau, móviu de tretu, ispostau Synonyms e antonyms atesu, istesiadu, tesanu | ctr. acurtziau 2. sa lavatrice ndh'est istrizida comente si moet murghindhe Translations French déplacé English at some distance Spanish distante Italian discòsto German abgelegen.

perúnu , agt Definition mancu unu, nudha Synonyms e antonyms mancunu, nensunu, panú, verunu Sentences is féminas chi faiant custas meighinas no pediant paga peruna ◊ ti apu nau ca po mei est oguali, no dhui at peruna diferénsia ◊ àbbiles perunas li segrestant su fídigu in su petus ◊ s’isterrimenta de unu frore su prus de is bortas non tenet perunu acàpiu de sensu cun sa torrada ◊ creia de no fai perunu mali fuedhendi a sa continentali! Etymon itl. veruno Translations French aucun, personne English some, any Spanish ninguno, alguno Italian alcuno, veruno German kein.

«« Search again