connótu , pps, agt, nm Definition de connòschere; chi si connoschet, lu connoschent; sa cosa de o comente fit unu tempus / male chena connotu = chi no l'ant ischidu o pótidu connòschere, chi no ischint ite male est Synonyms e antonyms connóschidu / cdh. cunnotu Sentences bisonzu no ndhe at connotu e pro cussu no ndhe cussiderat ◊ dh'apu connotu de sa primu dí chi est benniu! ◊ cussa cosa l'apo sempre connota cue ◊ su piciochedhu in domu de sa bírdia at connotu fàmini e frius 2. custa est zente connota, no bi at de timire 3. s’órdini púbbricu fiat su de sa traditzioni, su connotu ◊ no ti bendhas su connotu! Translations French connu English well-known Spanish conocido Italian conosciuto German bekannt.

nodídu, nódidu , agt: nodiu, nódiu, nóidu, noriu, nótitu, notitu, nótiu, nudiu Definition chi est connotu, famau, chi s'ischit; chi est de calidades bonas; su chi praghet de prus, su preferiu, istimau meda Synonyms e antonyms connotu, distintu, famadu, noditzau / fentomadu, nídidu, signaladu Idioms csn: die nódida = de festa; nodidu a totus = chi dhu scint totus; giúchere una cosa a nótitu = a notu, marcaresila, ammentàrela Sentences ciai est nodiu ca est unu bravu giòvunu ◊ custas sunt cosas nódias e sinnaladas ◊ cantant tzivilidades nótias a sos mannos bénnias dae mare e pérdias in caminu (N.Trunfio) 2. no ti apo mai dadu unu fiore, mancu in die nodida pro ammentu ◊ sezis gasi acorrutadas pro calchi bonu maridu o calchi fizu nodidu? ◊ fut totu genti nodia ◊ prenda mia noria, chini ti at aciotau?! Etymon srd. Translations French connu, distingué, préféré English well-known, favourite, valuable, refined Spanish conocido, preciado, distinguido, predilecto Italian nòto, pregévole, distinto, predilètto German bekannt, berühmt, Lieblings…

«« Search again