acusài , vrb: acusare Definition incurpare a unu de calecunu dannu o farta, cufessare, fàere ischire de àere fatu male; prus che àteru giogandho a cartas, su si abbogare naendho ite giogu unu portat in manos; fintzes nàrrere a su dutore su male chi si sentit Synonyms e antonyms acajonare, acriminai, acrupai, imputai, incausai, incrupai / decrarare, nàrrere Sentences ita est sa curpa chi seis acusendimidha? ◊ est andau a su cunfessori a si acusai de ai furau ◊ de ite pecadu bos acusades? ◊ mi acuso de sa mala educassione chi apo dadu a fizos mios ◊ sa bíldia dhus acusara po dogna cosa ◊ babbu acuseit a tiu Tottoi chi Frantzischinu s'aiat bodhidu cosa in binza 2. castit ca chini acusat depit portai giogu! ◊ tra cumpantzos si fachiant tzinnos a sa lestra pro acusare sa carta de tirare ◊ chie acusaiat trinta, chie chimbanta, chie chentu erveches mortas (A.Pau)◊ de custa cosa mi so acusadu a su dutore e nachi est de operare 3. sa mastra mi acusaiat a tiu Satta, chi lu relataiat a babbu Etymon itl. Translations French accuser English to charge Spanish acusar Italian accusare German beschuldigen, anklagen.

apuntzàre , vrb Definition betare crupas a unu Synonyms e antonyms apuntai, apuntzirigare, apuntzulare, disalabai Sentences innanti de apuntzare o de irvapiare sa zente, lea s'abba dai sa vena! Etymon srd. Translations French blâmer, accuser English to blame, to accuse Spanish acusar Italian biasimare, accusare German tadeln, beschuldigen.

ifartàre , vrb: infaltai, infaltare Definition betare a ccn. sa neghe de unu dannu, ma fintzes fàere sentire o pàrrere in curpa, fàere coment’e afartau Synonyms e antonyms acajonare, acriminai, acrupai, acusai, articulai, imputai, incrupai Sentences origa surda cumbenit a fai de sa beridadi a boxi inténdia, sa cuscéntzia nosta po no infaltai… (G.Solinas) Etymon srd. Translations French incriminer, inculper English to indict Spanish acusar Italian incriminare German anklagen.

«« Search again