Legenda Abbreviazioni | Legenda Simboli

acusài , vrb: acusare Definizione incurpare a unu de calecunu dannu o farta, cufessare, fàere ischire de àere fatu male; prus che àteru giogandho a cartas, su si abbogare naendho ite giogu unu portat in manos; fintzes nàrrere a su dutore su male chi si sentit Sinonimi e contrari acajonare, acriminai, acrupai, imputai, incausai, incrupai / decrarare, nàrrere Frasi ita est sa curpa chi seis acusendimidha? ◊ est andau a su cunfessori a si acusai de ai furau ◊ de ite pecadu bos acusades? ◊ mi acuso de sa mala educassione chi apo dadu a fizos mios ◊ sa bíldia dhus acusara po dogna cosa ◊ babbu acuseit a tiu Tottoi chi Frantzischinu s'aiat bodhidu cosa in binza 2. castit ca chini acusat depit portai giogu! ◊ tra cumpantzos si fachiant tzinnos a sa lestra pro acusare sa carta de tirare ◊ chie acusaiat trinta, chie chimbanta, chie chentu erveches mortas (A.Pau)◊ de custa cosa mi so acusadu a su dutore e nachi est de operare 3. sa mastra mi acusaiat a tiu Satta, chi lu relataiat a babbu Etimo itl. Traduzioni Francese accuser Inglese to charge Spagnolo acusar Italiano accusare Tedesco beschuldigen, anklagen.

apuntzàre , vrb Definizione betare crupas a unu Sinonimi e contrari apuntai, apuntzirigare, apuntzulare, disalabai Frasi innanti de apuntzare o de irvapiare sa zente, lea s'abba dai sa vena! Etimo srd. Traduzioni Francese blâmer, accuser Inglese to blame, to accuse Spagnolo acusar Italiano biasimare, accusare Tedesco tadeln, beschuldigen.

ifartàre , vrb: infaltai, infaltare Definizione betare a ccn. sa neghe de unu dannu, ma fintzes fàere sentire o pàrrere in curpa, fàere coment’e afartau Sinonimi e contrari acajonare, acriminai, acrupai, acusai, articulai, imputai, incrupai Frasi origa surda cumbenit a fai de sa beridadi a boxi inténdia, sa cuscéntzia nosta po no infaltai… (G.Solinas) Etimo srd. Traduzioni Francese incriminer, inculper Inglese to indict Spagnolo acusar Italiano incriminare Tedesco anklagen.

«« Cerca di nuovo