càvaru , nm: càvua,
càvunu,
càvuru Definition
genia de animaledhu de mare bonu a papare: totu farrancas grussas, laditu e tundhatzu, cun su corgiolu fine ma tostau, camminat de fiancu, a istúturu, e su mascu si distinghet ca portat in bentre una genia de punta prus istrinta, aintru portat sa prupa ma no is oos / genias de càvuru: alegustinu o a cambas longas o indianu, allipau o mandroni (ca si abarrat in mesu de su lipu), arrúbiu pilosu, biatzu o curridori, de arena o arenàrgiu, de arriu, de bassa, de fangu o de stani, de ferru, de luna, de nassa, de iscógliu (a pintirinos, birdi iscuriosu)
Synonyms e antonyms
caru 1,
peudu 1
Idioms
csn:
c. allionau = chi zughet sos os, c. fémina; c. speau = chentza de ancas; c. inciovau = chi at postu sos oos; càvuru a duus croxus = in muda, cambiendhe sa corza; su càvuru narat "peis trotus" a s'aligusta = su boe narat "corrudu" a s'àinu; càvuru de bassa (nadu de unu a menisprésiu) = culu ’e cane, pessone de nudha; trotu che c. (nadu de ccn.) = dortu, chi no iscurtat sa resone
Sentences
su càvaru ist un'animale chi caminat a istúturu ◊ parit ca portat peis de càvua, cumenti caminat ◊ gei ses trotu, coment'e su càvuru! ◊ a sa cassola no depint ammancai duus càvuas ◊ unu càvaru de mare ndh'est essidu a sa riba ◊ cussos sont càvaros chin ungras dannaresas!
Surnames and Proverbs
prb:
mellus mortu chi no càvuru cotu
Scientific Terminology
crx, carcinides maenas, portunus sp., pilumnus hirtellus, eriphia spinifrons, pachygrapsus marmoratus
Translations
French
crabe
English
crab
Spanish
cangrejo
Italian
grànchio
German
Krabbe.
peàda 1 , nf Definition
animaledhu de mare, croxiu, a corgiolu tostau e totu farrancas o peis (deghe) chi si nche istichit e bivet po difesa aintru de unu tzintzigorredhu buidu
Synonyms e antonyms
francusina 2
Scientific Terminology
crx, paguristes oculatus, clibanarius misanthropus, diogenes pugilator
Translations
French
bernard-l'ermite
English
hermit-crab
Spanish
cangrejo ermitaño,
caracol bruja,
magurio
Italian
bernardo l'eremita
German
Einsiedlerkrebs.
pilurtzía , nf: prelucia,
prilocia Definition
genia de càvaru mannitu e piludu de abbas bàscias o fintzes fungudas: un'arratza est piticu (pilumnus hirtellus)
Scientific Terminology
crx, eriphia spinifrons, dromia vulgaris
Etymon
srd.
Translations
French
crabe laineux,
étrille
English
big crab
Spanish
cangrejo moruno
Italian
favòllo
German
Wollkrabbe.