Legenda Abbreviazioni | Legenda Simboli

càvaru , nm: càvua, càvunu, càvuru Definizione genia de animaledhu de mare bonu a papare: totu farrancas grussas, laditu e tundhatzu, cun su corgiolu fine ma tostau, camminat de fiancu, a istúturu, e su mascu si distinghet ca portat in bentre una genia de punta prus istrinta, aintru portat sa prupa ma no is oos / genias de càvuru: alegustinu o a cambas longas o indianu, allipau o mandroni (ca si abarrat in mesu de su lipu), arrúbiu pilosu, biatzu o curridori, de arena o arenàrgiu, de arriu, de bassa, de fangu o de stani, de ferru, de luna, de nassa, de iscógliu (a pintirinos, birdi iscuriosu) Sinonimi e contrari caru 1, peudu 1 Modi di dire csn: c. allionau = chi zughet sos os, c. fémina; c. speau = chentza de ancas; c. inciovau = chi at postu sos oos; càvuru a duus croxus = in muda, cambiendhe sa corza; su càvuru narat "peis trotus" a s'aligusta = su boe narat "corrudu" a s'àinu; càvuru de bassa (nadu de unu a menisprésiu) = culu ’e cane, pessone de nudha; trotu che c. (nadu de ccn.) = dortu, chi no iscurtat sa resone Frasi su càvaru ist un'animale chi caminat a istúturu ◊ parit ca portat peis de càvua, cumenti caminat ◊ gei ses trotu, coment'e su càvuru! ◊ a sa cassola no depint ammancai duus càvuas ◊ unu càvaru de mare ndh'est essidu a sa riba ◊ cussos sont càvaros chin ungras dannaresas! Cognomi e Proverbi prb: mellus mortu chi no càvuru cotu Terminologia scientifica crx, carcinides maenas, portunus sp., pilumnus hirtellus, eriphia spinifrons, pachygrapsus marmoratus Traduzioni Francese crabe Inglese crab Spagnolo cangrejo Italiano grànchio Tedesco Krabbe.

peàda 1 , nf Definizione animaledhu de mare, croxiu, a corgiolu tostau e totu farrancas o peis (deghe) chi si nche istichit e bivet po difesa aintru de unu tzintzigorredhu buidu Sinonimi e contrari francusina 2 Terminologia scientifica crx, paguristes oculatus, clibanarius misanthropus, diogenes pugilator Traduzioni Francese bernard-l'ermite Inglese hermit-crab Spagnolo cangrejo ermitaño, caracol bruja, magurio Italiano bernardo l'eremita Tedesco Einsiedlerkrebs.

pilurtzía , nf: prelucia, prilocia Definizione genia de càvaru mannitu e piludu de abbas bàscias o fintzes fungudas: un'arratza est piticu (pilumnus hirtellus) Terminologia scientifica crx, eriphia spinifrons, dromia vulgaris Etimo srd. Traduzioni Francese crabe laineux, étrille Inglese big crab Spagnolo cangrejo moruno Italiano favòllo Tedesco Wollkrabbe.

«« Cerca di nuovo