Ditzionàriu in línia
de sa limba e de sa cultura sarda

borrutòne , nm: burrutone, burrutzone, burutone Definition giúmburu, ufradura chi essit in sa pedhe ue at leau cropu forte mescamente in tretu de ossu Synonyms e antonyms abbugnadura, abburrutonada, ammaciugadura, biaconcu, chirroi, buglione, bugnu 1, bumburusone, burrugnone, ciumbone, cocoroi 1, culcuvedhu, tzulumbone, tzumburisone Sentences zughiat su fígadu a tretos tostu e a burrutones ◊ fit rutu e pranghiat pro sos burrutones chi aiat in conca ◊ in mesu de cherbedhos zuchiat unu burrutone cantu de una nuche Translations French bosse English swelling Spanish chichón Italian bernòccolo German Beule.

cucubàju , nm: cucuvaju Definition pistadura chi si ufrat, in tretu de ossu; mància in conca, unu tretu iscucau; unu pigione puru (s'istria) Synonyms e antonyms biaconcu, cucuàgiu, cucuatzu, cucuau, giumbu, tzulumbone, tzumburisone Scientific Terminology mld Translations French bosse, loupe English bump Spanish chichón Italian bernòccolo, bitórzolo German Beule.

giúmbu, giúmburu , nm: tzumbu*, zumbu Definition tretu de cosa chi essit, supesau (es. de rupida), o fintzes incracau, intrau; sa carre comente si ndhe supesat ufrada candho at tentu pistadura, mescamente in conca Synonyms e antonyms abbugnadura, biaconcu, chirroi, borrutone, buglione, bumburusone, ciumbone, cocoroi 1, cucubaju, culcuvedhu, tzulumbone, tzumba, tzumburisone Sentences unu giumbu a sa màchina at fatu, comenti at atumbau Translations French bosse English bump Spanish chichón Italian bernòccolo German Beule.

tzoédhu, tzoéllu , nm: tzuedhu, tzuellu Definition genia de essidura o ufradura in sa pedhe Synonyms e antonyms biaconcu, biocu, bubbusone, buizola, chiaedhu, cravitu, lanturra, popoti, sangiolu, tzulumbone Sentences a peus chi mi dolet su casciale mi at essidu in sa barra unu tzuellu ◊ mannu ti l’ant fatu unu tzuellu a colpos de furcone ◊ ancu in conca unu tzoedhu li essat! Surnames and Proverbs smb: Zoeddu Scientific Terminology mld Etymon srd. Translations French bosse, furoncle English bump, swelling Spanish chichón, forúnculo Italian bernòccolo, forùncolo German Beule, Furunkel.

tzulumbòne , nm: tzurumbone Definition sa carre, sa pedhe, comente si ndhe pesat ufrada candho at pigau cropu, mescamente in conca Synonyms e antonyms abbugnadura, abburrutonada, ammaciugadura, biaconcu, biocu, buglione, bumburusone, burrugnone, ciumbone, cocoroi 1, cucubaju, culcuvedhu, giumbu, lidigore, praga, tzumburisone Idioms csn: torràreche unu tz. a un'isterzu = iscúdiri apitzus de su giumbu fintzas a dhu torrai a paris; àerendhe sa ruta e su tz. = su dannu e su zúdigu, su dannu e sa befe, unu male subra de s'àteru Sentences comente est rutu at fertu a conca e si at fatu unu tzurumbone ◊ si no fio istadu cun custu tzurumbone de gobba che fio essidu a mi chilcare faina Etymon srd. Translations French bosse English bump Spanish hematoma, chichón Italian ematòma, bernòccolo, ammaccaménto German Hämatom, Beule.

tzúmbu , nm: giumbu, tzúmburu Definition tretu de cosa chi essit (es. de muru); sa carre comente si ndhe supesat ufrada candho at pigau cropu, mescamente in conca / ammodhiai su tzúmburu = calmaisí, ammasedai, tenni passiéntzia Synonyms e antonyms gobba, itzúmburu, rumba, tzumba*, tzurumba / ciumbone, tzulumbone Sentences custu muru fait tzúmburu ◊ sos caminos de como sunt paris che tàulas de taedhas, chena tzumbos ne tofos ◊ cust'ómini portat unu tzúmburu in palas Translations French gibbosité, proéminence English hump, prominence Spanish saliente, chichón Italian gibbo, prominènza German Buckel, Vorspringen.