Ditzionàriu in línia
de sa limba e de sa cultura sarda

chelfíja , nf: chelvígia, chelvija, chervica, chervicra, chervija, chevija, chirvígia Definition sa parte de asegus de sa conca, tra su tzugu e su cúcuru Synonyms e antonyms batile, chérbica, pistidhu, tidíngia Sentences sa chelvija de su re de Piemonte po paritzu at rasigadu ◊ si no rues, nessi umbruncas e si sa chelfija truncas t'istas pro sempre iscollada ◊ at postu sa chevija in terra, candho est rutu ◊ ti truncas sa chirvígia! Scientific Terminology crn Etymon ltn. cervic(u)la Translations French nuque English nape Spanish nuca, cogote (m) Italian nuca, collòttola German Genick.

gassíle 1 , nm: catzile, gatile, gatzile, gatzili, gatzilis Definition su tretu de sa conca tra sa mola de su tzugu e su cúcuru, a parte de apalas Synonyms e antonyms assili, chelfija, pistidhu, tidíngia, tubitzu Sentences mi fia ammentendhe de su corpu chi aia leadu a su gatile candho so ruta ◊ mi nche aiant iscartafogliatu dae sas brancas suas chin su gatile e sa gula a isungratas ◊ su pride si at postu s’istola in suta de su gatile e cumintzat sas precadorias Scientific Terminology crn Translations French nuque English nape Spanish nuca (f), cogote Italian nuca, collòttola German Nacken, Genick.

pistídhu , nm Definition sa parte de apalas de sa conca, tra su tzugu e su cúcuru / su fossu de su p. = genia de fossighedhu chi si paret, in gatzile, mescamente segundhu comente si portat posta sa conca Synonyms e antonyms assili, chelfija, gassile 1, tidíngia, tubitzu Sentences e unu cropu de mallu a su pistidhu! Surnames and Proverbs smb: Pistiddu Scientific Terminology crn Etymon srd. Translations French nuque English nape Spanish nuca, cogote Italian nuca, collòttola German Genick.

tidíngia , nf, nm: tidíngiu, tidinzu Definition sa parte de apalas de sa conca, tra su tzugu e su cúcuru, fatu coment'e a fossu (nau fintzes pl.) Synonyms e antonyms assili, chelfija, cúcara, pistidhu, tubitzu Sentences at furriau is càbudus de su mucadori asuba de su tidíngiu lassendi is origas iscobertas ◊ si no naras sa beridade, oe innoghe che lassas sos tidinzos! Scientific Terminology crn Translations French occiput English occiput Spanish occipucio, cogote Italian occìpite German Hinterhaupt.