Legenda Abbreviazioni | Legenda Simboli

chelfíja , nf: chelvígia, chelvija, chervica, chervicra, chervija, chevija, chirvígia Definizione sa parte de asegus de sa conca, tra su tzugu e su cúcuru Sinonimi e contrari batile, chérbica, pistidhu, tidíngia Frasi sa chelvija de su re de Piemonte po paritzu at rasigadu ◊ si no rues, nessi umbruncas e si sa chelfija truncas t'istas pro sempre iscollada ◊ at postu sa chevija in terra, candho est rutu ◊ ti truncas sa chirvígia! Terminologia scientifica crn Etimo ltn. cervic(u)la Traduzioni Francese nuque Inglese nape Spagnolo nuca, cogote (m) Italiano nuca, collòttola Tedesco Genick.

gassíle 1 , nm: catzile, gatile, gatzile, gatzili, gatzilis Definizione su tretu de sa conca tra sa mola de su tzugu e su cúcuru, a parte de apalas Sinonimi e contrari assili, chelfija, pistidhu, tidíngia, tubitzu Frasi mi fia ammentendhe de su corpu chi aia leadu a su gatile candho so ruta ◊ mi nche aiant iscartafogliatu dae sas brancas suas chin su gatile e sa gula a isungratas ◊ su pride si at postu s’istola in suta de su gatile e cumintzat sas precadorias Terminologia scientifica crn Traduzioni Francese nuque Inglese nape Spagnolo nuca (f), cogote Italiano nuca, collòttola Tedesco Nacken, Genick.

pistídhu , nm Definizione sa parte de apalas de sa conca, tra su tzugu e su cúcuru / su fossu de su p. = genia de fossighedhu chi si paret, in gatzile, mescamente segundhu comente si portat posta sa conca Sinonimi e contrari assili, chelfija, gassile 1, tidíngia, tubitzu Frasi e unu cropu de mallu a su pistidhu! Cognomi e Proverbi smb: Pistiddu Terminologia scientifica crn Etimo srd. Traduzioni Francese nuque Inglese nape Spagnolo nuca, cogote Italiano nuca, collòttola Tedesco Genick.

tidíngia , nf, nm: tidíngiu, tidinzu Definizione sa parte de apalas de sa conca, tra su tzugu e su cúcuru, fatu coment'e a fossu (nau fintzes pl.) Sinonimi e contrari assili, chelfija, cúcara, pistidhu, tubitzu Frasi at furriau is càbudus de su mucadori asuba de su tidíngiu lassendi is origas iscobertas ◊ si no naras sa beridade, oe innoghe che lassas sos tidinzos! Terminologia scientifica crn Traduzioni Francese occiput Inglese occiput Spagnolo occipucio, cogote Italiano occìpite Tedesco Hinterhaupt.

«« Cerca di nuovo