Abbreviations Legenda | Symbols Legend

ilgarriàre , vrb: irgarrigare, iscarriai, iscarrigare, isgarrigare, scarriai Definition calare o pònnere in terra unu càrrigu; pèrdere o bogare sa càrriga, sa fortza Synonyms e antonyms irbarriare, istuai | ctr. barriare, carriai Sentences si fut frimau ananti de sa domo de su piciocu e inie iat iscarrigau su carru ◊ seis ancora in tempus a boche iscarrigare sa cusséntzia, innanti de mòrrere! ◊ apu fuedhau a Pepinu po mi donai una manu a iscarriai sa carrada 2. s'arrellozu si ch'est iscarrigandhe Etymon srd. Translations French décharger English to discharge Spanish descargar Italian scaricare German abladen.

irbarriàre , vrb: isbarriare, isvarriare Definition calare, fuliare o pònnere su càrrigu in terra, bogare fintzes solu una parte de su càrrigu; lassare a is àteros ccn. cosa trebballosa o chi no praghet Synonyms e antonyms ilgarriare, illichidare, lassai | ctr. barriare, carriai Sentences irbarriamichendhe unu pagu, ca totu custu no lu poto! ◊ amus irbarriadu su càmiu de sa linna ◊ bi sunt sos càmios chi s'irbàrriant desesi 2. custas cosas las depes fàghere tue e las irbàrrias a mie?! Translations French décharger English to unload Spanish descargar Italian scaricare German entladen.

iscundhíre , vrb Definition bogare iscusas po calecuna cosa de malu, iscusare a ccn. po una curpa, una neghe, un'impíciu o dovere, iscabbúllere Synonyms e antonyms iscabbúllere, iscòndhere*, iscusare, isfrancare Sentences aimus inventadu milli malasortes pro noche l'iscundhire, s'interrogassione! ◊ azis iscundhidu sos malefatzentes! ◊ no nemus chi su mundhu est pecadore pro che iscundhire a nois dai s'errore! (G.Ruju)◊ no t'iscundhas ca tantu che la pagas! ◊ no ndhe boghent de istibbos pro s'iscundhire: sunt a betiapare in donzi cosa! 2. so dedeai de no resessire a essire dae domo, de m'iscundhire de sos pessamentos Translations French disculper, justifier English to exculpate, to dispense Spanish disculpar, descargar, eximir Italian discolpare, esìmere, giustificare German entschuldigen, entbinden, rechtfertigen.

stuài , vrb: istuai* Definition calare de codhu, iscarrigare, o agiudare a iscarrigare una cosa, unu pesu, fintzes in su sensu de si ndhe bogare unu pentzamentu, unu pistighíngiu Synonyms e antonyms irbarriare, scarrigai | ctr. atuai Idioms csn: stuai is cadinus = èssere apunt'a mòrrere, a si falare; stuaisí = irbarriare, pònnere su gàrrigu chi si zughet a codhu; stuaisí in ccn. logu = sètzeresi Sentences su burricu passat arrasiga arrasiga crasura crasura po si ndi stuai su pesu ◊ stuat sa bertuledha e dhi donat sa metadi de su pani chi iat corbau ◊ mi ndi seu stuau su sacu ◊ as a agatai unu pipiu mesu mortu: ndi dhu bodhis e dhu stuas abbellu abbellu in is coscinus de sa carrotza e mi ndi dhu betis 2. non si podiat stuai cun nemus de cussu disisperu (I.Lecca)◊ tenint bisóngiu de fuedhai, de si stuai sa cusciéntzia Translations French décharger English to discharge Spanish descargar Italian scaricare German entladen.

«« Search again