Ditzionàriu in línia
de sa limba e de sa cultura sarda

chélcu , nm: chercu, crecu Definition genia de linna forte e de dura chi faet a mata manna, connota meda in Sardigna: faet su landhe, perdet sa fògia in s'ierru Synonyms e antonyms arròali Idioms csn: chercu tzacadinu, corriatzu = calidades de sa linna chi iscratzant o sunt lentas; làndiri, làdhara de chercu = landhe, ballina chi bogant sos chercos; istare che cane presu a chelcu = mali, comenti a totus is acapiaus Sentences is badhes innoghe furint tibbas de suèrgios e crecos ◊ de linna de chelcu faghent cubas ◊ su chercu est una linna chi, si est segada in muta zusta, durat deghinas de annos, mala a prudigare Surnames and Proverbs prb: dae chercu no essit ozastru Scientific Terminology mtm, Quercus pubescens Etymon ltn. quercus Translations French chêne English oak Spanish encina Italian quèrcia German Korkeiche.

éliche , nm, nf: éliga, élighe, élighi, éligi, íliche Definition mata manna, de sa matessi famíglia de su crecu e de su suérgiu: faet landhe e linna bona, forte e tostada Synonyms e antonyms ttrs. érighi Sentences sos élighes sunt barriados de landhe ◊ est che élighe sica in s'angustia de una pèlcia tra tetis e ruos (Puntziudu)◊ su monte est inghiriadu d'éligas altas ◊ sas élighes trement a s'úrtima lughe ◊ ndhe lis depo landhe a cussas éliches!… Scientific Terminology mtm, Quercus ilex Etymon ltn. elice Translations French chêne vert English ilex Spanish encina, carrasca Italian léccio German Steineiche.

íliche , nm: éliche*, ígili, ílige, ílighe, íligi, ílixi, íllighe, ixi, íxibi, íxigui, íxugui Definition mata manna, de sa matessi arratza de su crecu e de su suérgiu, bogat landhe e faet linna bona / min. iligedha Sentences incui dhue sunt is forestas cun su landhe de ílige Scientific Terminology mtm, Quercus ilex Translations French chêne vert English holm-oak Spanish encina Italian léccio German Steineiche.

terriólu , nm: (su t. = suterriólu) tirriolu tzirriolu Definition babboi de soli, genia de bobboi niedhu a corros longos totu nodighedhos: ponet sa cria e creschet in sa linna sicada, mescamente de crecu, essit in su beranu, bolat, est longu unos chimbe centímetros; a logos dhu narant a su tzuntzurredhu / trugu de tirriolu = tzugu niedhu, regotu, brutu Synonyms e antonyms broca 1, carrintolu, cincicorru, cincimurru, corriluna, corrimpala, pesabesa, tintirriolu, tzintzurriolu / cdh. tzilimbrinu / alaepedhe, arratapignata, cincidedhu Sentences tirriolu, fala! fala! ◊ bido s'umbra de unu terriolu bolendhe de milli modos e maneras Scientific Terminology crp, anar, cerambyx cerdo Etymon srd. Translations French cérambyx English cerambyx Spanish escarabajo longicornio, capricornio de la encina Italian ceràmbice German Bockkäfer.