Ditzionàriu in línia
de sa limba e de sa cultura sarda

binicótu , nm: binigotu, binucotu Definition súciu de àghina o de frutuàriu (mescamente figumorisca) postu a budhire e torrare finas chi essit cagiau, po fàere druches Synonyms e antonyms saba Sentences cullimus ficumurisca ca fachimus su binicotu ◊ bonu su binicotu de ficumurisca, ma prus bonu su chi fachent dae s'àchina ◊ eus cuncordau sa turta fata cun binigotu ◊ in s'impastu po is pabassinas cantu binigotu ponit? Scientific Terminology mng Etymon srd. Translations French verjus English cooked wine Spanish arrope, mosto cocido Italian sapa German Most.

mustiósu , agt: mustosu Definition nau de àghina, chi portat o faet mustu meda Synonyms e antonyms binosu Sentences sa ua mustiosa rendhet meda a binu ◊ sa ua sèbera est bella a manigare, ma pagu mustiosa Translations French riche en moût English juicy Spanish rico de mosto Italian mostóso German mostreich.

mústiu , nm: mustu Definition su súciu de s'àghina de candho dha molent a totu su tempus chi istat budhindho fintzes a èssere binu fatu Synonyms e antonyms immustu 1 Sentences custu binu est ancora a mústiu ◊ su binu tue no lu lassas fàghere e ti che lu bufas a mústiu Etymon ltn. mustum Translations French moût English must Spanish mosto Italian mósto German Most.

sàba , nf: sapa Definition súciu de àghina o de àteru frutuàriu (morisca, pruna, barracoco) postu a budhire fintzes a torrare cagiau, po fàere druches Synonyms e antonyms binicotu Sentences istant a su passa passa che musca in logu de saba ◊ s'abbatu, fatu de s'abba de sa chera, est una sapa bona pro mandhicare e fàghere popassinos ◊ sa figuera serbit po fai sa figu sicada e sa saba Surnames and Proverbs smb: (De)saba, (De)ssaba, Saba, Sapa Scientific Terminology mng Etymon ltn. sapa Translations French verjus English cooked must Spanish arrope, mosto cocido Italian sapa German gekochter Most.

teríca , nf, nm: tilica, tilicu, tirica, tiricu, trica 1, tzirica Definition cocollitu de saba a forma de coro, de cricu, genia de druche fatu cun pasta bogada a pígiu e fata coment'e a canale prenu de saba e cotu in su forru; àtera genia de t. si faet cun chíghere, un'àtera ancora cun mele e méndhula: tiricu est fintzes unu druche fatu cun farra, oos, tzúcuru e cotu in s'ógiu Synonyms e antonyms caschete, cocollitu, sedhina Sentences sunt faghindhe pabassinos e tericas ◊ duas tiricas in sa safata, chentu fainas pro un'ispera…◊ Larenta faghet su cató, sos pabassinos, sas copuletas, sas tilicas… e bonas, mih! Scientific Terminology drc Translations French gimblette English small doughnut Spanish rosquilla rellena de mosto cocido o miel Italian ciambellina German kleiner Kringel.