Ditzionàriu in línia
de sa limba e de sa cultura sarda

ansídu , agt: assidu Definition chi tenet assa, chi est alluscau, cassidu de su sidi, chi est morindho de su sidi, de sa gana de bufare Synonyms e antonyms cansidu Sentences nois semus ranedhos de terra ansida in s'aera intemperiosa (G.Orgolesu)◊ s'undha límpida apo meledadu dae sa calura de s'istadiale ansida 2. su coro sou est assidu de veridade ◊ mi so agatada piús istraca de sa vida, piús assida ’e Deus (G.Correddu)◊ sa terra est assida de lentore Etymon srd. Translations French assoiffé English burnt by thirst Spanish sediento Italian arso dalla séte German trocken.

assidídu , agt, nm: assidiu, assiriu, assudiu, sedidu* Definition chi o chie tenet gana o bisóngiu de bufare, sidi; chi tenet calecunu disígiu mannu Synonyms e antonyms assidigadu, assidigorzadu / disigiosu, inganatzidu Sentences cussu est unu grómeru de colobras assididas 2. sa vida mia est sempri assidia de tui Translations French assoiffé English thirsty, very thirsty Spanish sediento Italian assetato, sitibóndo German durstig.

sedídu , agt, nm: assididu, sididu, sidiu, sititu Definition chi o chie tenet gana o bisóngiu de bufare; chi tenet calecunu disígiu o bisóngiu mannu Synonyms e antonyms assidigadu, assidigorzadu, assuglitu, insidiu / disigiosu, inganatzidu Sentences torra che prima, funtana istasida, a consolare sa zente sedida! ◊ acurtziaiat sas laras a s'abba, sididu ◊ candu ti eus biu sidiu ti eus donau a bufai 2. passat sidida de basos e de amore Etymon srd. Translations French assoiffé English thirsty Spanish sediento Italian assetato, sitibóndo German durstig.