Ditzionàriu in línia
de sa limba e de sa cultura sarda

frísida , nf, nm: frísiu Definition genia de zúmiu surdu chi faet una cosa chi passat fúlia segandho s'ària, coment'e unu cropu de foete, fintzes moida de su bentu / bíere a ccn. una frísida = una lampada, un'apenas, su tantu de lu abbizare Synonyms e antonyms bísulu, frúschiu, frúsiu, muizu, zúmiu Sentences intendhiant sa frísida de s'àbbile falandhe dae àgheras ◊ su sirbone aiat iscutu duas búfidas chi pariant frísidas de balla ◊ su mojaresu zuchet un'ape a múlinu, a frísidas, finas chi lu punghet ◊ unu trúbidu de tzurrundedhus ndi fut essiu a frísius de una gruta ◊ at sonau cun frísius de bentu chi fiant a timi Etymon srd. Translations French sifflement English hiss Spanish silbido Italian sìbilo German Pfeifen.

frúschiu , nm: frúsciu (frú-sci-u) Definition genia de sonu pibidosu chi a bortas si faet fintzes po singiale, avisu, órdine o àteru deasi; ossu de pruna o de piricoco fatu a sonajolu po surbare faendho intrare s’ària a fortza: s'istampat s'ossu de traessu, in sa parte larga de parte a parte, e si ndhe bogat su chiu / min. fruschiedhu / genias de frúschiu: a pódhighes, a buca, de pedra moindhe; frúscios de prummones = zenia de sonu chi s'intendhet in prummones malàidos Synonyms e antonyms frusciada, frusitu, frúsiu, ischéliu, muizu, súlbiu, sulitu, zúmiu Idioms csn: betare o pònnere frúschios = fruschiare pro cramare o pedire azudu; pònnere sos frúschios a unu, leare a frúschios = pònniri s'arréulu, leare a befe Sentences su pastore est a frúscios pro furriare sa robba ◊ candho colas beta unu frúschiu! ◊ chie agatat s'àinu fetat unu frúsciu a duos pódhighes! ◊ e ca as intesu unu frúschiu ti assustras?! Etymon srd. Translations French sifflement English whistle Spanish silbido Italian físchio German Pfiff.

frusciàda , nf: (fru-sci-a-da) Definition su fruschiare, surbiada Synonyms e antonyms frúschiu, frúschida Sentences su bentu est minetosu cun frusciadas e sonos de terrore Etymon srd. Translations French coup de sifflet English whistling Spanish silbido Italian fischiata German Pfeifen.

frusciulínu , nm Definition fruschiedhu, su istare frusciulinendhe, a súrbiu Synonyms e antonyms frusciedhu Sentences una die Pepitedhu passeit a frusciulinu in su tirighinu de Manu Pilosa… Etymon srd. Translations French sifflotement English continued whistling Spanish silbido Italian fischiettìo German Gepfeife.

frusítu , nm Synonyms e antonyms frúschiu, frúsiu, ischéliu, muizu, súlbiu, sulitu, tziullete, zúmiu Etymon srd. Translations French sifflement English whistle Spanish silbido Italian fìschio German Pfiff.

moizólu , nm Definition genia de zúmiu / avb.: a moizolos = a moidura, a zúmiu Translations French sifflement English light hissing Spanish silbido Italian sìbilo liève German Pfiff.

muinàja , nf: muinalla Definition sa moida, su sonu, su zúmiu chi faet sa pedra, segundhu comente est fata (lada e longhita), candho benit iscuta (si brillat) atesu a frundha o fintzes a manu Synonyms e antonyms bísulu, frúschiu, frúsiu, muinalla, muizu, zúmiu Sentences at corpadu sa preda a muinaja Translations French sifflement English hiss Spanish silbido Italian síbilo German Zischen.

muízu , nm Definition genia de moida sighia, de cosa muinandho Synonyms e antonyms bísulu, frísida, frusinzu, frúsiu, ischéliu, moida, muinaja, súlbiu, sulitu, zúmiu Sentences at intesu su muizu de sa balla Etymon srd. Translations French sifflement English hiss Spanish silbido Italian sìbilo German Zischen.

súlbiu , nm: súrbiu Definition su súlidu chi si faet, s'ària chi si faet essire de sa buca bogandhodha de prumones a fortza, s'ària chi movet su bentu; su sonu chi faet s'ària móvia a forte, su bentu Synonyms e antonyms bufada, búfidu, súlidu, sulu / frúschiu, frúsiu, ischéliu, muizu, zúmiu 2. si fadhiat, sa genti dhu pigàt a boxis e a súrbius ◊ fint prontos e lestros a ónnia tzírriu: bastàt unu súlbiu, unu frúsciu, e issos acudiant ◊ su súrbiu lu faghet su bentu Etymon srd. Translations French sifflement English whistle Spanish silbido Italian fìschio German Pfiff.

zumiaméntu , nm Definition su zumiai; genia de sonu a súrbiu Synonyms e antonyms frusiada, frúsiu, zumiadura Etymon srd. Translations French sifflement English hissing Spanish zumbido, silbido Italian sìbilo German Zischen.

zúmiu , nm: giúmiu Definition genia de sonu chi faet una cosa chi passat in s'ària a fuliesa forte meda, sonu sighiu de totunu andhare Synonyms e antonyms bísulu, frísida, frúschiu, frusiolada, frusitu, frúsiu, ischéliu, muinaja, muizu, súlbiu, sulitu Sentences intrendi ti apu biu in mesu ballu a zúmiu che perda iscuta a frundha (B.Lobina)◊ su zúmmiu chi fait su cannoni Etymon srd. Translations French sifflement, bourdonnement English humming Spanish silbido, zumbido Italian sìbilo, ronzìo German Zischen.