Ditzionàriu in línia
de sa limba e de sa cultura sarda

frísida , nf, nm: frísiu Definizione genia de zúmiu surdu chi faet una cosa chi passat fúlia segandho s'ària, coment'e unu cropu de foete, fintzes moida de su bentu / bíere a ccn. una frísida = una lampada, un'apenas, su tantu de lu abbizare Sinonimi e contrari bísulu, frúschiu, frúsiu, muizu, zúmiu Frasi intendhiant sa frísida de s'àbbile falandhe dae àgheras ◊ su sirbone aiat iscutu duas búfidas chi pariant frísidas de balla ◊ su mojaresu zuchet un'ape a múlinu, a frísidas, finas chi lu punghet ◊ unu trúbidu de tzurrundedhus ndi fut essiu a frísius de una gruta ◊ at sonau cun frísius de bentu chi fiant a timi Etimo srd. Traduzioni Francese sifflement Inglese hiss Spagnolo silbido Italiano sìbilo Tedesco Pfeifen.

frúschiu , nm: frúsciu (frú-sci-u) Definizione genia de sonu pibidosu chi a bortas si faet fintzes po singiale, avisu, órdine o àteru deasi; ossu de pruna o de piricoco fatu a sonajolu po surbare faendho intrare s’ària a fortza: s'istampat s'ossu de traessu, in sa parte larga de parte a parte, e si ndhe bogat su chiu / min. fruschiedhu / genias de frúschiu: a pódhighes, a buca, de pedra moindhe; frúscios de prummones = zenia de sonu chi s'intendhet in prummones malàidos Sinonimi e contrari frusciada, frusitu, frúsiu, ischéliu, muizu, súlbiu, sulitu, zúmiu Modi di dire csn: betare o pònnere frúschios = fruschiare pro cramare o pedire azudu; pònnere sos frúschios a unu, leare a frúschios = pònniri s'arréulu, leare a befe Frasi su pastore est a frúscios pro furriare sa robba ◊ candho colas beta unu frúschiu! ◊ chie agatat s'àinu fetat unu frúsciu a duos pódhighes! ◊ e ca as intesu unu frúschiu ti assustras?! Etimo srd. Traduzioni Francese sifflement Inglese whistle Spagnolo silbido Italiano físchio Tedesco Pfiff.

frusciàda , nf: (fru-sci-a-da) Definizione su fruschiare, surbiada Sinonimi e contrari frúschiu, frúschida Frasi su bentu est minetosu cun frusciadas e sonos de terrore Etimo srd. Traduzioni Francese coup de sifflet Inglese whistling Spagnolo silbido Italiano fischiata Tedesco Pfeifen.

frusciulínu , nm Definizione fruschiedhu, su istare frusciulinendhe, a súrbiu Sinonimi e contrari frusciedhu Frasi una die Pepitedhu passeit a frusciulinu in su tirighinu de Manu Pilosa… Etimo srd. Traduzioni Francese sifflotement Inglese continued whistling Spagnolo silbido Italiano fischiettìo Tedesco Gepfeife.

frusítu , nm Sinonimi e contrari frúschiu, frúsiu, ischéliu, muizu, súlbiu, sulitu, tziullete, zúmiu Etimo srd. Traduzioni Francese sifflement Inglese whistle Spagnolo silbido Italiano fìschio Tedesco Pfiff.

moizólu , nm Definizione genia de zúmiu / avb.: a moizolos = a moidura, a zúmiu Traduzioni Francese sifflement Inglese light hissing Spagnolo silbido Italiano sìbilo liève Tedesco Pfiff.

muinàja , nf: muinalla Definizione sa moida, su sonu, su zúmiu chi faet sa pedra, segundhu comente est fata (lada e longhita), candho benit iscuta (si brillat) atesu a frundha o fintzes a manu Sinonimi e contrari bísulu, frúschiu, frúsiu, muinalla, muizu, zúmiu Frasi at corpadu sa preda a muinaja Traduzioni Francese sifflement Inglese hiss Spagnolo silbido Italiano síbilo Tedesco Zischen.

muízu , nm Definizione genia de moida sighia, de cosa muinandho Sinonimi e contrari bísulu, frísida, frusinzu, frúsiu, ischéliu, moida, muinaja, súlbiu, sulitu, zúmiu Frasi at intesu su muizu de sa balla Etimo srd. Traduzioni Francese sifflement Inglese hiss Spagnolo silbido Italiano sìbilo Tedesco Zischen.

súlbiu , nm: súrbiu Definizione su súlidu chi si faet, s'ària chi si faet essire de sa buca bogandhodha de prumones a fortza, s'ària chi movet su bentu; su sonu chi faet s'ària móvia a forte, su bentu Sinonimi e contrari bufada, búfidu, súlidu, sulu / frúschiu, frúsiu, ischéliu, muizu, zúmiu 2. si fadhiat, sa genti dhu pigàt a boxis e a súrbius ◊ fint prontos e lestros a ónnia tzírriu: bastàt unu súlbiu, unu frúsciu, e issos acudiant ◊ su súrbiu lu faghet su bentu Etimo srd. Traduzioni Francese sifflement Inglese whistle Spagnolo silbido Italiano fìschio Tedesco Pfiff.

zumiaméntu , nm Definizione su zumiai; genia de sonu a súrbiu Sinonimi e contrari frusiada, frúsiu, zumiadura Etimo srd. Traduzioni Francese sifflement Inglese hissing Spagnolo zumbido, silbido Italiano sìbilo Tedesco Zischen.

zúmiu , nm: giúmiu Definizione genia de sonu chi faet una cosa chi passat in s'ària a fuliesa forte meda, sonu sighiu de totunu andhare Sinonimi e contrari bísulu, frísida, frúschiu, frusiolada, frusitu, frúsiu, ischéliu, muinaja, muizu, súlbiu, sulitu Frasi intrendi ti apu biu in mesu ballu a zúmiu che perda iscuta a frundha (B.Lobina)◊ su zúmmiu chi fait su cannoni Etimo srd. Traduzioni Francese sifflement, bourdonnement Inglese humming Spagnolo silbido, zumbido Italiano sìbilo, ronzìo Tedesco Zischen.