Ditzionàriu in línia
de sa limba e de sa cultura sarda

frúschiu , nm: frúsciu (frú-sci-u) Definizione genia de sonu pibidosu chi a bortas si faet fintzes po singiale, avisu, órdine o àteru deasi; ossu de pruna o de piricoco fatu a sonajolu po surbare faendho intrare s’ària a fortza: s'istampat s'ossu de traessu, in sa parte larga de parte a parte, e si ndhe bogat su chiu / min. fruschiedhu / genias de frúschiu: a pódhighes, a buca, de pedra moindhe; frúscios de prummones = zenia de sonu chi s'intendhet in prummones malàidos Sinonimi e contrari frusciada, frusitu, frúsiu, ischéliu, muizu, súlbiu, sulitu, zúmiu Modi di dire csn: betare o pònnere frúschios = fruschiare pro cramare o pedire azudu; pònnere sos frúschios a unu, leare a frúschios = pònniri s'arréulu, leare a befe Frasi su pastore est a frúscios pro furriare sa robba ◊ candho colas beta unu frúschiu! ◊ chie agatat s'àinu fetat unu frúsciu a duos pódhighes! ◊ e ca as intesu unu frúschiu ti assustras?! Etimo srd. Traduzioni Francese sifflement Inglese whistle Spagnolo silbido Italiano físchio Tedesco Pfiff.

frusítu , nm Sinonimi e contrari frúschiu, frúsiu, ischéliu, muizu, súlbiu, sulitu, tziullete, zúmiu Etimo srd. Traduzioni Francese sifflement Inglese whistle Spagnolo silbido Italiano fìschio Tedesco Pfiff.

frúsiu , nm Definizione genia de sonu chi faet mescamente su bentu; genia de pitariolu po sonare Sinonimi e contrari frúschiu, ifraschinzu, mughina, muizu, súlbiu, zúmiu / frusitu, ischéliu, sulitu, vuvusu Etimo srd. Traduzioni Francese sifflement, bruissement Inglese whistle, rustle Spagnolo crujido Italiano fìschio, fruscìo Tedesco Pfiff, Rascheln.

súlbiu , nm: súrbiu Definizione su súlidu chi si faet, s'ària chi si faet essire de sa buca bogandhodha de prumones a fortza, s'ària chi movet su bentu; su sonu chi faet s'ària móvia a forte, su bentu Sinonimi e contrari bufada, búfidu, súlidu, sulu / frúschiu, frúsiu, ischéliu, muizu, zúmiu 2. si fadhiat, sa genti dhu pigàt a boxis e a súrbius ◊ fint prontos e lestros a ónnia tzírriu: bastàt unu súlbiu, unu frúsciu, e issos acudiant ◊ su súrbiu lu faghet su bentu Etimo srd. Traduzioni Francese sifflement Inglese whistle Spagnolo silbido Italiano fìschio Tedesco Pfiff.