Ditzionàriu in línia
de sa limba e de sa cultura sarda

crompiméntu , nm: crumpimentu, cumprimentu, giompimentu, lompimentu Definition su cumprire de is cosas, su crèschere e lòmpere a su puntu giustu, bonas de serbire, nau fintzes de personas, de òperas e de fatos de sa vida; si narat fintzes po brindhu, su cumprire a un'istràngiu, a un'amigu, donu chi si giaet, giare o nàrrere cosa chi dhi podet fàere praxere Synonyms e antonyms cumpridura, dimprimentu 2. a su cumprimentu de s'annu a su pobidhu sa fiuda dhi at fatu su cocòi ◊ - a su crompimentu! - Deus cherzat! ◊ mancu l'ischiabamus chi fizis ammorandhe: a su crumpimentu! ◊ a su crumpimentu: a lu bierezas mannu e birtudosu, su pitzinnu! ◊ a su crumpimentu potant arribbare! 3. su binu pro su cumprimentu no at a mancare! ◊ su cumprimentu cheret fatu: ca s'est cojuau, Chírigu depet tènnere un'arregodu de su nonnu! 4. totu si frimmaiant a li fàghere sos cumprimentos ca aiat dadu sos ixàminos ◊ de carchi parente petzi ndhe at tentu malos cumprimentos Etymon srd. Translations French accomplissement English fulfilment Spanish realización Italian compiménto, realizzazióne German Durchführung.

giompiméntu , nm: crompimentu, giumpimentu, lompimentu, zompimentu Definition su cumprire de is cosas, su crèschere e lòmpere a su puntu giustu, bonas de serbire, nau fintzes de personas, de òperas e de fatos de sa vida, de su andhare; genia de sacu, in bentre de sa fémina, ue faet su fedu fintzes a naschire Synonyms e antonyms ammissa, giompidura / burba, filadòrgia, mammana, secundhina Sentences su frúture benit a giumpimentu ◊ batire a giompimentu disizos e isperas ◊ no est pro su malu si no so bénnidu ancora a giompimentu a sa prommissa Translations French achèvement, maturation English accomplishment, maturity Spanish maduración Italian compiménto, maturazióne German Reifen.

lompiméntu , nm: crompimentu, giompimentu* Definition su cumprire de is cosas, su crèschere e lòmpere a su puntu giustu, bonas de serbire, nau fintzes de personas, de òperas e de fatos de sa vida; nau de giòvonos cojuandho, acabbamentu de cójua Synonyms e antonyms cumpridolza, cumpridura, dimprimentu Sentences ant agatau una creatura morta ma no si cumprendhet si fiat de lompimentu 2. candho faiant su lompimentu, isparaiant daghi moviat s'isposu po andhare a dommo de s'isposa ◊ sa festa de su lompimentu como si narat fidantzamentu Translations French maturation English ripening, fulfilment Spanish maduración Italian compiménto, maturazióne German Reife.