Ditzionàriu in línia
de sa limba e de sa cultura sarda

ammarturàu , pps, agt: ammarturiadu, marturau Definition de ammarturai; chi est sèmpere malàidu meda Synonyms e antonyms màlturu / isbagazadu 2. fut ammarturau: de otu annus no si podiat movi de aundi fut crocau ◊ dhu'iat un'ómini ammarturau a is cambas de candu fut nàsciu 3. semus totu ammarturiados de su viazu longu ◊ minadoris e minieras funt una parti manna de s'istória de sa terra nosta ammarturiada Translations French infirme English chronic patient Spanish enfermo crónico Italian malato crònico German chronischer Kranker.

crónicu , agt Definition nau de male, chi est malu a sanare e sighit Translations French chronique English chronic Spanish crónico Italian crònico German chronisch.

incalèschere , vrb Definition nau de unu male, impeorare, tirare a tempus longu chentza sanare Synonyms e antonyms incruai, incrudèschere Etymon ltn. incalescere Translations French aggraver, devenir chronique English to aggravate Spanish volverse crónica una enfermedad Italian rincrudire, diventar crònico German sich verschärfen.

maltóriu , nm: martória, martóriu, martúriu Definition prus che àteru si narat po sufrimentu mannu de maladia longa chi indebbilitat e betat a terra, po sa maladia etotu; fintzes sufrimentu chi si afrontat po un'ideale, po una fide: si narat puru po persona màrture / is martúrius = mamudinu, su sonu airadu chi faghent in crésia cun matracas e forrigajolas in chenàbura santa, e fintzas una de sas funtziones Synonyms e antonyms malturítziu, marturatzoni / màlturu Sentences isse sulleviat dogni martóriu 2. su cuntzetu sou no lu negat mancu pro su martúriu, antzis l'at a mannesa e ndhe dat prou 3. fit vetza e ammorgodhata, mesu martúria dae sos nérvios de sos grenucos chi no li reghiant prus ◊ Zesugristu at sanau unu martúriu chi li ant batiu in su letu 4. su mércuis santu alluenta tréixi candelas e is preris apalas de s'altari cantànt is martúrius: a dónnia salmu isturànt una candela Etymon ltn. marturium Translations French affaiblissement, aveulissement English chronic physical enfeeblement Spanish debilitamiento crónico Italian infiacchiménto fìsico crònico German chronische Entkräftung.

màlturu , nm, agt: màrtiru, màrture, màrturi, màrturu Definition chie pommore de una fide, de un'ideale afrontat css. sacrifíciu, fintzes de dhue pònnere sa vida; malàidu a meda e tempus meda, malàidu chi no sanat (e mescamente chi dhi at calau paràlisi) Synonyms e antonyms màrtire, martúgliu / ammarturau, antzuladu, tuglidu 2. timu chi mi tochit a passai sa vida màturu, crocau in su letu ◊ Gesús andàt predichendu s'Evangéliu e sanendu is malàidus e is màrtirus (Ev)◊ in cussos ispidales a si ndh'intendhet boghes de màrtures!…◊ cussa fémina fiat màrtura in su letu Etymon ltn. martyr Translations French martyr, affaibli, aveuli English martyr, physically enervated, chronically sick Spanish mártir, afectado por una dolencia Italian màrtire, infiacchito fisicaménte, malato crònico German Märtyrer, entkräftet, chronischer Kranker.