fragusína , nf: francosina, francusina 1 Definition mali masculinu, genia de dolore a bentre, punta de dolore forte de no dhu pòdere baliare chi benit mescamente a bentre, ma fintzes a is errigos, a su fele; in cobertantza, genia de mandronia, pagu gana de fàere faina (e fintzes su mandronedhu) Synonyms e antonyms passacólica, stratzonis Sentences labai, no mi fatzais benni is francusinas, si no mi pongu a narri is allelujas! 2. poita dèu no apu postu menti a cussa francusina de su grillu chini iscít cantu disgràtzias mi ant a depi sutzedi! Scientific Terminology mld Translations French colique English colica, abdominal pain Spanish cólico Italian còlica, dolóre addominale German Kolik.

passacólica , nf Definition punta de dolore forte de no dhu pòdere padire chi benit mescamente a bentre Synonyms e antonyms fragusina, stratzonis Scientific Terminology mld Etymon ctl. passacólica Translations French colique English colic Spanish cólico Italian còlica German Kolik.

púnta 1 , nf Definition su púnghere; mescamente dolore forte forte coment’e a punghidura chi benit, passat e torrat fatuvatu a calecunu arremu o tretu de sa carena Idioms csn: is puntas de su partu = sos dolores chi benint in illieronzu; punta de sàmmene = pressione arta Sentences is iscracàllius de cudhus dhi pariant puntas de gortedhu 2. li at bénnidu una punta a su coro ◊ mi currúxinat sa brenti, mi benit a puntas ◊ tengu puntas a brenti, soi unfrada ◊ su dolore mi benit a puntas ◊ sa robba curret a sas chisuras e si bi arruntzinat a puntas de trémula, a su tempus malu ◊ sa paghe betat s'ala cavachendhe sas puntas de su male ◊ dhi at pigau una punta a su costau e no ndi at tentu sanamentu ◊ maigantos morint de male de punta Scientific Terminology mld Translations French élancement, colique English stitch, colic Spanish punzada, cólico Italian fitta, còlica German Stich, stechender Schmerz.

stratzònis , nm pl Definition mali masculinu, punta de dolore forte de no dhu pòdere padire chi benit mescamente a bentre Synonyms e antonyms fragusina, passacólica Scientific Terminology mld Translations French entérite des animaux English enteritis Spanish enteritis Italian enterite o còlica delle béstie German Enteritis (in bezug auf Tiere).

«« Search again