Abbreviations Legenda | Symbols Legend

làgnu , agt: làngiu, lanzu Definition nau de animale o de gente, chi no portat ógiu, chi no est grassu, chi est totu ossos, sicau, de pagus prupas; nau de àteru, chi est de pagu sustàntzia / min. langinu, langitu; assimbígios: làngiu coment'e un'obbilu, che corru, che fuste, che linna, che terra, chei su mércuris de líssiu, che tudha, che puntza, che s'ossu Synonyms e antonyms marriu, romasu | ctr. grassu Sentences cuadhu làngiu musca meda ◊ si laoras in terra lanza no assazas mancu unu cantu de tipe ◊ pibiosos sunt sos cumpanzos ca lanza est sa chena ◊ custas bacas sunt lanzas chi no cherent bidas! ◊ Ciurrulia su bendhidore, portat una trumbita e unu burricu pilurtzu, béciu e làngiu ◊ ciai non mi fui cuntentau de cussus cuatru tachinus istasius, làngius che terra! 2. sos mios sunt versos lanzos ◊ mi b'impigno chin pesu, metru e lima ma semper lanza mi essit sa rima (E.Pau) Surnames and Proverbs smb: Langiu Etymon ltn. *lanius Translations French maigre English thin Spanish delgado Italian magro German mager.

romàsu , pps, agt Definition de romanire, ma impreau pruschetotu coment'e agt.: chi est chentza grassu, làngiu, cun pagu prupa Synonyms e antonyms abarrau / lagnu, marriu / ttrs. rumasu | ctr. rassu Idioms csn: fàula r. = chi no fait a dha crèiri; èssere romasu fàdigu = istasiu, longu e fini marriu marriu Sentences sos macarrones chi bi sont romasos ponidechelos in s'ammarzu ca bi chenamus! (S.Saba) 2. lampu a fiadu romasu: si li podent contare sos ossos! ◊ est un'ómine artu e romasu ◊ sos voedhos romasos de su carrulante curriant chei su ventu (A.Pau) 3. custa est tropu romasa: no la torres a contare ca no ti cret neune! Surnames and Proverbs prb: a béstia romasa cada titupiu si atacat Etymon ltn. rema(n)sus Translations French mince English thin Spanish delgado Italian magro German schlank, mager.

scariàtzu , agt Definition si narat de gente, candho unu est coment'e consumau, làngiu Synonyms e antonyms afésiu, irgheleniu, mabagrabiu, maluvratu, marriu, scalarxiu, scariau, surgiu 1 | ctr. rassu Translations French maigre English consumed Spanish flaco Italian consunto, magro German abgezehrt, abgemagert.

«« Search again