Ditzionàriu in línia
de sa limba e de sa cultura sarda

debberòne , agt Definition foedhu chi acumpàngiat prus che àteru númene de cosa matuca o carena manna meda, nau sèmpere a ispantu e innanti de su nm.: càmbiat de sing. a pl., ma no de m. a f. Synonyms e antonyms bete, beterone*, biaxi, ciàcaru 1, debbe, dóbbia, giangalloi | ctr. minoredhu, minudu Sentences debberone ómine che fit, Fulanu, si l'aias connotu!…◊ ma comente at a fàghere cudhu forchidhu a si cojare cun cudha debberone fémina?!…◊ cussos zòvanos che sunt debberones Translations French énorme English enormous Spanish enorme Italian enórme, poderóso German enorm, riesig.

poderósu , agt Definition chi podet meda, chi at podere mannu, chi est forte meda Synonyms e antonyms cdh. puderosu Sentences creo in Deus totu poderosu ◊ aeras e mares as sulcadu cun fortza poderosa (V.Falchi)◊ su pecadore at a èssere perdonadu: totu assolvet sa manu poderosa ◊ fit unu zigante poderosu ◊ o Mama Divina, cun s'agiudu poderosu de sa gràscia tua potemus arrivare cun s'ànima pulida a dananti de su Zuighe Divinu! Translations French puissant English powerful Spanish poderoso Italian potènte, poderóso German mächtig, stark.