Ditzionàriu in línia
de sa limba e de sa cultura sarda

arrecatài 1 , vrb rfl: arrechetai, recatai Definition fàere su giuditziosu Synonyms e antonyms refrenai Etymon spn. recatarse Translations French se retenir, se moderer, garder une prudente réserve English to show reluctance Spanish ser juicioso Italian usare ritégno German sich scheuen.

recataméntu , nm Definition su si recatai, su istare unu pagu coment'e duritosos Synonyms e antonyms discrutzu, refrenu, regrésciu Sentences "Fuedhant sa buca e is ogus", m'iat iscoviau una dí chi iat allentau su recatamentu de sempri Translations French retenue English self-restraint Spanish recato Italian risèrbo, ritégno German Zurückhaltung.

refrénu , nm: arrefrenu Definition su si refrenare, genia de bregúngia, duritu o cunsideru chi po arrespetu o àteru consígiat a unu de no fàere una cosa Synonyms e antonyms recatamentu, regrésciu Etymon srd. Translations French retenue English restraint Spanish discreción, moderación Italian ritégno German Rückhalt.

regrésciu, regréssia, regréssu , nm, nf Definition genia de bregúngia, de duritu, chi po arrespetu o àteru consígiat a unu de fàere calecuna cosa Synonyms e antonyms dobidori, recatamentu, refrenu Sentences su malu fàchere creschet cada die e no bi at regréssia ◊ atatamacàndhesi bi ndhe at medas chene regréssia e a fatza de sola ◊ candho babbu e mama perdent su podere s'umanidade no at prus regréssia ◊ sos pitzinnos si ghetant chei sa musca a su mele e comintzant a carabbatare chene regrésciu perunu cantu prus recatu podent! (M.Gattu Soddu)◊ zente chentza regressu est sa càusa de sos disabios Translations French frein, retenue English qualm, restraint Spanish miramiento, recato Italian rèmora, ritégno German Schamgefühl.