Ditzionàriu in línia
de sa limba e de sa cultura sarda

segurànscia, seguràntza, seguràntzia , nf: sicuràscia, sicuràntzia, sigurantza, siguràntzia Definition su èssere seguros de una cosa, su èssere una cosa segura, giare seguresa / po donzi bona siguràntzia = po èssere prus seguros Synonyms e antonyms arree, firmesa, seguresa, siguria Sentences sas pedras de su runaghe ponent segurànscia de antigória zenia ◊ totu in custa vida passat sena seguràntzia ◊ su naturali suu no tenit segurantza ◊ chirco un'aggarru de sicuràntzia chi mi mantenzat a pilu abba in su mare de sos sónnios (M.Piga)◊ si càmbias sa lampadina, po mellus siguràntzia istacu sa currenti ◊ cussos campant in sicuràscia ◊ in su mundu ita seguràntza nci at? Etymon srd. Translations French certitude, fermeté English certainty, firmness Spanish seguridad, fiabilidad Italian sicurézza, fermézza, affidabilità German Sicherheit, Standhaftigkeit.

segurèsa, segurèxa , nf: sicuresa, siguresa Definition su èssere seguros de una cosa, su èssere una cosa segura, fintzes sa trancuillidade chi benit de su ischire Synonyms e antonyms certesa, segurànscia, seguria, seguridade Sentences custu l'ischimus cun seguresa ca tenimus sas proas ◊ sos murtaresos si mantenent informatos po àere carchi notíssia chi azungat unu pizu de sicuresa a su viazu de Manfred ◊ no dhi podestus arrefaciai cun siguresa chi fut narendi fàulas in calencunu iscopu chi no cumprendestus 2. sa cultura de sa messarítzia at donau rispostas po fai sèmpiri ugualis is cosas, at donau seguresa ◊ sa connoscéntzia de su sardu no impoberitat sa persona, ma dh'arricat e dhi donat seguresa ◊ Deus at elegidu sas eclésias coment'e logu de seguresa ◊ donnu Bennardinu at fatu óbbrigu de agabbare sos avolotos e preubbiu sas armas, zandhe seguresa a totugantos Etymon srd. Translations French certitude English certainty Spanish seguridad Italian sicurézza German Sicherheit.

siguría , nf Definition su èssere seguros Synonyms e antonyms segurànscia, seguresa Sentences totu sas sigurias de sa gioventura si sunt pérdidas in su restu de sa vida Translations French certitude English certainty Spanish seguridad Italian sicurézza German Sicherheit.