discodiàre , vrb: discoidae, discoidare, discuidai, discuidare Definition pigare a trascuru, a discóidu, istare a discóidu, addaesegus Synonyms e antonyms abbandhonare, cambare, disamparai, iscuidare, lassai, scabidai, trascurai | ctr. atèndhere, contifizare Sentences no tratenzas un'iscuta ne discúides un'ora! ◊ o discoidades tropu o a curtura cheries fortzare s'ora istabbilia (A.Casula)◊ in pac'ora sa bódia brente che bitellu órfanu s'at fatu, su Patriarca, chi no si discódiat in locu de recatu Etymon spn. Translations French négliger English to neglect Spanish descuidar Italian trascurare German vernachlässigen.

irbandhonàre , vrb: sbandonai Definition lassare cosa, logu o gente in abbandhonu, chentza custodiau, chentza ndhe fàere contu Synonyms e antonyms abbandhonare, disamparai, discuidai, lassai, scabidai | ctr. contifizare Sentences mischinedha, sa catedha de númene no ndh’at, ca l’ant irbandhonada dae candho fit minore ◊ custas olias las ant irbandhonadas, chentza pudadas e ne irfruedhadas prus Translations French abandonner, négliger English to leave, to neglect Spanish abandonar Italian abbandonare, trascurare German verlassen, vernachlässigen.

scabidài , vrb: iscabidare*, scabudai, scaburai Definition lassare a càbudu, agoa, lassare addaesegus in su sensu de abbandhonare, lassare istare, bogare de càbudu, lassare de fàere una faina de sighire apustis Synonyms e antonyms abbandhonare, disamparai, discodiare, irbandhonare, lassai, scabulai / cambare / tasire | ctr. contifizare Sentences Gesugristu no tenit ànimas de scaburai ◊ mamma mia, comenti e totu is mamas de su mundu, no tenit fillus de scabudai ◊ teni fidi e no scabudis a Deus! ◊ s'ortu ocannu dh'apu scabidau 2. seu sola e scabudada ◊ in s'ospítziu prangit unu babbu scabudau 3. apusti scabidau de trabballae obiaiant peri is óminis Translations French négliger English to neglect Spanish descuidar Italian trascurare German vernachlässigen.

«« Search again