abbasciàda , nf: abbasciara, abbassiada, basciada Definition su abbasciare; nau mescamente de logu o tretu chi andhat de unu puntu artu a unu prus bàsciu, ma fintzes de su cambiamentu de sa boghe o de su sonu / donai s'a. a sa balantza = pèrdere sa passéntzia candho no si ndhe podet prus de agguantare Synonyms e antonyms abasciadroxa, achirradorzu, acirrada, betada, cabada, caladògia, falada, faladorza / menguada | ctr. alciada, pigadorza Sentences custu Castedhu totu artziadas e abbasciadas bocit s'ómini! ◊ po intrai a merau dhoi at un'abbasciara manna Scientific Terminology slg Etymon srd. Translations French descente English slope Spanish bajada Italian discésa German Abhang.

achirradórju, achirradórzu , nm: achirriadorju, achirriadorzu Definition passadórgiu, calada mala, forte; genia de fustigu chi cun s'ispada mantenet tirau e firmat s'ixubru de su telàrgiu Synonyms e antonyms abbasciada, acirrada, betada, cabada, caladògia, falada, faladorza / serradógiu, tostadore | ctr. alciada, pigadorza Scientific Terminology slg Etymon srd. Translations French pente très inclinée English headlong descent Spanish pendiente escarpada Italian discésa precipitósa German steiler Abhang.

betàda , nf Definition su betare; logu chi faet andhandho e calandho prus a bàsciu Synonyms e antonyms abbasciada, achirradorzu, acirrada, cabada, caladògia, falada, faladorza, ghetada, pendheu | ctr. alciada, pigadorza Idioms csn: logu, caminu, cabertura in b.; èssere a b. de manu = bènnere a betu, andai bèni a…; b. de manu = manu de agiudu, agiudu, su fai calincuna cosa de trabballu, trabballu: segundu comenti si narat, abbilidadi; b. de sa buca = zúdigu, crítiga, bodheta Sentences dare consizos gratis, giudigare sunt a betada de manu de sas pessones, però àtera cosa est su operare! (Z.Zazzu)◊ bi ndhe cheret, betadas de manu, pro fàghere domo! 2. in custas betadas za curret sa màchina! 3. arratza de betada de manu chi zughet, cussu zòvanu: faghet totu in lestresa e bene! Scientific Terminology slg Etymon srd. Translations French pente English slope Spanish pendiente Italian pendìo, china German Abhang.

còlta , nf: costa Definition in sa carena, donniunu de is ossos longos chi de s'ischina fúrriant e si benint apare in petorras formandho sa càscia: pl., donniuna de is duas bandhas de sa carena in sensu manca/destra; foedhandho de erbas a fògia larga, sa fògia etotu mescamente su tretu de mesu, inue est prus grussa; de un'istrégiu, sa parte chi si pesat de su fundhu fintzas a is oros; logu largu meda e in calada, pala manna de unu monte / min. costizola Synonyms e antonyms coltazu, fiancu / costalla, crosta / incosta / costale, costera, cugutada, pala, trempada Idioms csn: costas curtzas = sas costas chi no torrant a su petorru, sas prus in bassu; costas tinniadas = cannidas; rúere a costa longa = rúere a longu, de pàrrere corcadu, istiradu; costas apari = a costazu, a fiancu de pare; a costas de… = a costazu, a fiancu de…; ghetaisí una cosa de pala in costas = dae pala in codhu, lassare chi la fetat s’àteru o fintzas betare sa curpa s'unu a s'àteru; fuedhai, ríere in costas = crebare; essire dae costas = (nadu cun fele) ispèndiri de buciaca; essíreche palabala costagosta, in costas de pinnetu, de mandra = arrispúndiri ma no a tonu, fuedhendi de àteru, nàrriri chentza de nàrriri, essiri in coranta mois; parare sa costa a unu = fai s'ala o amparai a unu; costa soliana, costa umbrosa = pala de monte a cara a mesudie, a cara a su nord; andai costa costa = in logu de costera, essire in paris, andhare in paris Sentences est romasu cadidu chi si li contant fintzas sas costas ◊ comente est rutu si at cannidu duas costas ◊ est faladu a terra a costa longa che unu buatone! 2. in costas si lu depiant tzacare su fogu! ◊ fipo isterjolau in terra a costa longa ◊ ca fipo istracu mi so corcatu costas a terra 3. si su fogu est tropu artu brúsiat sas costas de s'isterzu ◊ sas costas de su sedatu si sunt segadas a fortza de lu manizare 4. comente faghet a costa su logu, sa terra fuit a zosso ◊ in sas costas a cara a sole bi pigat pàsculu prus bonu ◊ cun sos benujos frazados giómpidos semus in chima de sa costa 5. est andhadu a chircare costas de aldureu 6. funt ghetendisí sa curpa de palas in costas ◊ gei as a fuedhai, mancai in costas! ◊ candho lu apo dimandhadu de sa chistione ch'est essidu pala pala, costa costa ◊ si mi fato àteros bestires, dae costas ti essit?! ◊ che ses essindhe in costas de pinnetu: torramus a su chi fipo nandhe! Surnames and Proverbs smb: Costa Scientific Terminology crn, slg Etymon ltn. costa Translations French côte (anat.), côte versant (géo.) English rib, hillside Spanish costilla, cuesta, vertiente Italian còstola, còsta, pendìo alquanto estéso, versante German Rippe, Abhang.

costàle , nm Definition logu mannu in costa, in calada Synonyms e antonyms colta, costera, costile, cugutada, pala | ctr. paris Sentences est andhau a chircare linna in su costale ◊ in custos costales niedhos no bi atichit puas de vida! Scientific Terminology slg Etymon srd. Translations French pente English slope Spanish pendiente (f), cuesta (f) Italian pendìo German Abhang.

cugutàda , nf Definition su logu in costera totu comente andhant is montes Synonyms e antonyms colta, costale, costera, palinzu | ctr. paris Etymon srd. Translations French pente, côte English hillside Spanish pendiente, cuesta Italian pendìo, costièra German Abhang.

parendadhài , nm Definition in logu de monte, de serra, sa costera de s'àtera parte (sa chi no si biet), o fintzes afache (inue faet a badhe) Etymon srd Translations French côte, versant English hillside Spanish vertiente Italian versante German Abhang.

pendhéu , nm Definition logu chi no est in paris, chi faet andhandho e abbasciandho a una bandha Synonyms e antonyms abbasciada, betada, caladògia, falada, ghetada, pendenti | ctr. paris / alciada, pigadorza Sentences innoghe su terrinu est in pendheu, in cue si bi agatat carchi paris ◊ che sunt falados in su pendheu de su montigru Etymon srd. Translations French pente English slant Spanish pendiente Italian pendìo German Abhang.

péndhinu , nm, agt: péndinu Definition logu chi no est in paris, chi faet andhandho e abbasciandho a una parte / èssere in p. = menguante, menguadho, andhandho male Synonyms e antonyms falada, pendéntili, pendheu | ctr. alciada, ampuada, picada, pigadorza Sentences sa costera àrtziat unu bell'arrogu cun d-unu péndinu longu e addasiau 2. aiat unu grabbu de faedhare chi faghiat pensare a sa zente nóbbile, ma unu pagu coment'e in derruta, in péndhinu (P.Fogarizzu) Scientific Terminology slg Etymon srd. Translations French pente, déclive English declivity Spanish declive, pendiente Italian declìvio, declive German Abhang, sanft abfallend.

«« Search again