Ditzionàriu in línia
de sa limba e de sa cultura sarda

auméntu , nm Definition su aumentare, su tanti chi at aumentau una cosa Synonyms e antonyms acreschimentu, acreschimónia, aumentu, créschida, creschina | ctr. méngua, mímina Sentences is operajos funt in tréulu ca bolent s'aumentu de sa paga ◊ comenti mi donant cuss'aumentu de pensioni mi còmpuru sa televisioni ◊ donzi tantu ghetant aumentos a sa binzina Translations French accroissement English increase Spanish aumento, alza Italian auménto German Vermehrung, Vergrößerung, Erhöhung.

creschína , nf: crescina, cressina Definition su crèschere, sa créschia, aumentu, su fàere andhandho e essindho de prus o prus mannu, sa parte créschia Synonyms e antonyms acreschimentu, acreschimónia, créschida | ctr. irmíngua, mímina Sentences at anzadu sa craba e sos pitzinnos, bidindhe sa creschina, sunt incantados ◊ apu a ascurtai crescinas de sinfonias e trinnimentus ◊ su dotori at biu custa crescina de petza e mi ndi dha bollit segai!◊ sa crescina de su pani est sa diferéntzia de pesu tra sa farra e su pani cotu 2. in làmpadas in bíngia s'ispitzat sa crescina tropu abbundanti Etymon srd. Translations French accroissement English increase Spanish incremento (m) Italian increménto German Steigerung, Erhöhung.

riliévu , nm Definition cosa chi essit, prus in artu de unu paris (fintzes a bisura de iscultura); fintzes cosa chi si annotat e chi si narat de un'iscritu, de una manera de fàere, de una chistione; assortimentu de datos chi si avérguant cun métidu de calecunu fatu po dhu cumprèndhere méngius Synonyms e antonyms resartu / asserva, osservatzione Translations French relief English relief, remark, survey Spanish relieve Italian rilièvo German Erhöhung, Bemerkung.