Ditzionàriu in línia
de sa limba e de sa cultura sarda

acreschiméntu , nm: acrescimentu, creschimenta Definition crèschere de númeru is personas, is animales Synonyms e antonyms acreschimónia, créschida, creschina | ctr. mímina Etymon srd. Translations French accroîssement, croissance English increase, growth Spanish incremento, crecimiento Italian accresciménto, créscita German Wachstum, Vermehrung.

acreschimónia, acreschimóniu , nf, nm: creschimónia Definition su crèschere, nau mescamente de númeru, de cantidade Synonyms e antonyms acreschimentu, aumentu, créschida, creschina, crescia | ctr. mímina Etymon srd. Translations French accroîssement, croissance English increase Spanish incremento Italian accresciménto German Vermehrung.

auméntu , nm Definition su aumentare, su tanti chi at aumentau una cosa Synonyms e antonyms acreschimentu, acreschimónia, aumentu, créschida, creschina | ctr. méngua, mímina Sentences is operajos funt in tréulu ca bolent s'aumentu de sa paga ◊ comenti mi donant cuss'aumentu de pensioni mi còmpuru sa televisioni ◊ donzi tantu ghetant aumentos a sa binzina Translations French accroissement English increase Spanish aumento, alza Italian auménto German Vermehrung, Vergrößerung, Erhöhung.

avaloraméntu , nm Definition su avalorare Synonyms e antonyms abbalorinzu Translations French évaluation, valorisation English improvement, increase in the value Spanish valoración Italian valutazióne, valorizzazióne German Schätzung, Aufwertung.

crèscere, crèschede, crèschere, crèschi , vrb: cresci, crèsciri, crèssere, cressi Definition fàere mannu, prus mannu de carena, de tempus, de númeru, fàere o essire de prus; aciúnghere o cambiare calecuna cosa a su chi s'ischit Synonyms e antonyms abbundiri, acrèschere, ammanniae, annúnghere, aumentare, incarie, ispeleare | ctr. ilminorigare, menguai, miminare, torrae Idioms csn: segare su crèschere a unu = nòghereli a unu puntu chi no bi creschet prus, frimmare sa créschida; èssere macu segadu ’e crèschere = bambiocu, pagu sàbiu Sentences sa matixedha est crescendi dereta ◊ sa carena nostra creschet fintzas a passadu sos vinti annos ◊ sos pisedhos sunt creschindhe meda ◊ sa bidha at créschidu de milli a duamiza abbitantes ◊ cressent sos sambenaos novos, in bidha ◊ s'abba est creschindhe in s’isseta ca bi at prus pressione ◊ su bentu fit andhendhe e creschendhe ◊ is dentes a sa brebè ndhe dhi funt caladas e no torrant a crèscere ◊ orzu e trigu torrant a crèschede in sos montes de Austis ◊ in d-unu mese sa pitzinna no at créschidu nudha 2. a cussos chi bi tenent in domo lis ant créschidu sa pesone ◊ ant crésciu su pani 3. custa est cosa créschida! ◊ nara su zustu, no bi la crescas tue pro ti ndhe ríere! ◊ candho narat una cosa isse sempre la creschet 4. dae pitzinnu minore sa birgonza l'aiat presu sas arcadas in su crèschere ◊ si ti aferro ti sego su crèschere! ◊ su tropu triballu a minore l'at segadu su crèschere Etymon ltn. crescere Translations French grandir, accroître, augmenter English to grow, to increase Spanish crecer, aumentar, acrecentar Italian créscere, accréscere, aumentare German wachsen, vermehren.

creschimènta, creschiméntu , nf, nm: acreschimentu, crescimentu Definition su crèschere de númeru de is personas, de is animales, su fàere prus mannu de carena Synonyms e antonyms acreschimónia, créschida, creschigione, creschina / cdh. criscimentu | ctr. méngua, mímina Sentences amus àpidu creschimenta in domo: nos at nàschidu àteru fizu ◊ naschimenta e creschimenta de unu cristianu 2. a sas criaturas in creschimentu no lis fit de abbastu su mànigu Etymon srd. Translations French augmentation, croissement English increase, growth Spanish crecimiento, aumento Italian créscita, auménto German Wachstum, Vermehrung.

creschína , nf: crescina, cressina Definition su crèschere, sa créschia, aumentu, su fàere andhandho e essindho de prus o prus mannu, sa parte créschia Synonyms e antonyms acreschimentu, acreschimónia, créschida | ctr. irmíngua, mímina Sentences at anzadu sa craba e sos pitzinnos, bidindhe sa creschina, sunt incantados ◊ apu a ascurtai crescinas de sinfonias e trinnimentus ◊ su dotori at biu custa crescina de petza e mi ndi dha bollit segai!◊ sa crescina de su pani est sa diferéntzia de pesu tra sa farra e su pani cotu 2. in làmpadas in bíngia s'ispitzat sa crescina tropu abbundanti Etymon srd. Translations French accroissement English increase Spanish incremento (m) Italian increménto German Steigerung, Erhöhung.