Ditzionàriu in línia
de sa limba e de sa cultura sarda

acreschiméntu , nm: acrescimentu, creschimenta Definitzione crèschere de númeru is personas, is animales Sinònimos e contràrios acreschimónia, créschida, creschina | ctr. mímina Ètimu srd. Tradutziones Frantzesu accroîssement, croissance Ingresu increase, growth Ispagnolu incremento, crecimiento Italianu accresciménto, créscita Tedescu Wachstum, Vermehrung.

acreschimónia, acreschimóniu , nf, nm: creschimónia Definitzione su crèschere, nau mescamente de númeru, de cantidade Sinònimos e contràrios acreschimentu, aumentu, créschida, creschina, crescia | ctr. mímina Ètimu srd. Tradutziones Frantzesu accroîssement, croissance Ingresu increase Ispagnolu incremento Italianu accresciménto Tedescu Vermehrung.

auméntu , nm Definitzione su aumentare, su tanti chi at aumentau una cosa Sinònimos e contràrios acreschimentu, acreschimónia, aumentu, créschida, creschina | ctr. méngua, mímina Frases is operajos funt in tréulu ca bolent s'aumentu de sa paga ◊ comenti mi donant cuss'aumentu de pensioni mi còmpuru sa televisioni ◊ donzi tantu ghetant aumentos a sa binzina Tradutziones Frantzesu accroissement Ingresu increase Ispagnolu aumento, alza Italianu auménto Tedescu Vermehrung, Vergrößerung, Erhöhung.

avaloraméntu , nm Definitzione su avalorare Sinònimos e contràrios abbalorinzu Tradutziones Frantzesu évaluation, valorisation Ingresu improvement, increase in the value Ispagnolu valoración Italianu valutazióne, valorizzazióne Tedescu Schätzung, Aufwertung.

crèscere, crèschede, crèschere, crèschi , vrb: cresci, crèsciri, crèssere, cressi Definitzione fàere mannu, prus mannu de carena, de tempus, de númeru, fàere o essire de prus; aciúnghere o cambiare calecuna cosa a su chi s'ischit Sinònimos e contràrios abbundiri, acrèschere, ammanniae, annúnghere, aumentare, incarie, ispeleare | ctr. ilminorigare, menguai, miminare, torrae Maneras de nàrrere csn: segare su crèschere a unu = nòghereli a unu puntu chi no bi creschet prus, frimmare sa créschida; èssere macu segadu ’e crèschere = bambiocu, pagu sàbiu Frases sa matixedha est crescendi dereta ◊ sa carena nostra creschet fintzas a passadu sos vinti annos ◊ sos pisedhos sunt creschindhe meda ◊ sa bidha at créschidu de milli a duamiza abbitantes ◊ cressent sos sambenaos novos, in bidha ◊ s'abba est creschindhe in s’isseta ca bi at prus pressione ◊ su bentu fit andhendhe e creschendhe ◊ is dentes a sa brebè ndhe dhi funt caladas e no torrant a crèscere ◊ orzu e trigu torrant a crèschede in sos montes de Austis ◊ in d-unu mese sa pitzinna no at créschidu nudha 2. a cussos chi bi tenent in domo lis ant créschidu sa pesone ◊ ant crésciu su pani 3. custa est cosa créschida! ◊ nara su zustu, no bi la crescas tue pro ti ndhe ríere! ◊ candho narat una cosa isse sempre la creschet 4. dae pitzinnu minore sa birgonza l'aiat presu sas arcadas in su crèschere ◊ si ti aferro ti sego su crèschere! ◊ su tropu triballu a minore l'at segadu su crèschere Ètimu ltn. crescere Tradutziones Frantzesu grandir, accroître, augmenter Ingresu to grow, to increase Ispagnolu crecer, aumentar, acrecentar Italianu créscere, accréscere, aumentare Tedescu wachsen, vermehren.

creschimènta, creschiméntu , nf, nm: acreschimentu, crescimentu Definitzione su crèschere de númeru de is personas, de is animales, su fàere prus mannu de carena Sinònimos e contràrios acreschimónia, créschida, creschigione, creschina / cdh. criscimentu | ctr. méngua, mímina Frases amus àpidu creschimenta in domo: nos at nàschidu àteru fizu ◊ naschimenta e creschimenta de unu cristianu 2. a sas criaturas in creschimentu no lis fit de abbastu su mànigu Ètimu srd. Tradutziones Frantzesu augmentation, croissement Ingresu increase, growth Ispagnolu crecimiento, aumento Italianu créscita, auménto Tedescu Wachstum, Vermehrung.

creschína , nf: crescina, cressina Definitzione su crèschere, sa créschia, aumentu, su fàere andhandho e essindho de prus o prus mannu, sa parte créschia Sinònimos e contràrios acreschimentu, acreschimónia, créschida | ctr. irmíngua, mímina Frases at anzadu sa craba e sos pitzinnos, bidindhe sa creschina, sunt incantados ◊ apu a ascurtai crescinas de sinfonias e trinnimentus ◊ su dotori at biu custa crescina de petza e mi ndi dha bollit segai!◊ sa crescina de su pani est sa diferéntzia de pesu tra sa farra e su pani cotu 2. in làmpadas in bíngia s'ispitzat sa crescina tropu abbundanti Ètimu srd. Tradutziones Frantzesu accroissement Ingresu increase Ispagnolu incremento (m) Italianu increménto Tedescu Steigerung, Erhöhung.