Ditzionàriu in línia
de sa limba e de sa cultura sarda

allustrài, allustràre , vrb: allustriai, lustrare* Definition frigare su lustru a sa pedhe, mescamente a is iscarpas, a is botinos, po dha fàere lúghida; frigare crachina o àteru po mantènnere netos is muros de sa domo Synonyms e antonyms illuchidare, illustrare / argidhai Sentences ses a bistiri pranciau e botinedhus allustriaus dogna dí 2. pobidha mia est pinnighendi argidha po allustrai su logu Translations French astiquer English to polish Spanish sacar lustre Italian lucidare German glänzen, bohnern.

alluxentài , vrb Definition fàere lúghidu Synonyms e antonyms allucidai, allustrai, illuchidare / impompitare Sentences su logu est límpiu límpiu, alluxentau a cera ◊ su lutoni si alluxentat cun limoni e cinixu ◊ labai ca est festa: tocai, alluxentaisidhas is botas! Etymon srd. Translations French faire reluire, se parer English to make bright, to shine, to dress up Spanish hacer relucir, acicalar Italian far rilùcere, brillare, agghindarsi German leuchten, glänzen, sich herausputzen.

brigliài, brigliàre , vrb: brillai, brillare Definition su èssere lúghidu, su giare o mandhare coment'e lughe meda, pampada, nau de una cosa Synonyms e antonyms grigliare, lúchere, lutzigare, prelliai Sentences brígliat de bonu ardore dogni foghile ◊ giogu de madrepellas totu a intàgliu in sas doradas cordas piús brígliat (Cubeddu)◊ brígliant sas fiamaridas in s'iferru Etymon spn., itl. Translations French briller English to shine Spanish brillar Italian brillare German glänzen.

brilladúra , nf Definition su brigliare, giare coment'e lughe; foedhandho de movimentu, imbrilladura, betadura de atesu Synonyms e antonyms brillamentu Etymon srd. Translations French luminosité, luminance English twinkling Spanish brillo Italian brillaménto German Glänzen.

grigliàre , vrb Synonyms e antonyms brigliai*, lúchere, prelliai Sentences grigliendhe a festa si che intrat su sole ◊ grígliat paghe e vida tra bélidas e sonizos de campagna fiorida ◊ sos nebodedhos li grígliant in giru a ciascu e festa ◊ grígliant in giru músicas e rimas in su santu trabàgliu e in s'isóriu (P.Casu) Translations French briller English to shine Spanish brillar Italian brillare German glänzen.

illampizàre , vrb Definition fàere o mandhare coment'e lampos de lughe Synonyms e antonyms allampizare, brigliai, grigliare, lúchere, lutzigare Sentences sos ogros suos lúghidos che bidros illampizant che oro ◊ comente iscúrigat, carchi istedhu illampizat ◊ candho sulas, framma e ischintizas bolant, alluet ónnia cosichedha: intas tue, mofèndheti, illampizas! Etymon srd. Translations French resplendir English to shine Spanish resplandecer Italian risplèndere German glänzen, strahlen.

illughentàre , vrb Synonyms e antonyms brigliai, illampizare, illugerrai, lúchere Sentences deo in saltu e binzas so sempre afatzendhada, goi o gai, e tribagliendhe etotu m'illughento (Piras) Translations French resplendir English to shine Spanish resplandecer Italian risplèndere German glänzen, strahlen.

illustràre , vrb Definition frigare, pònnere sa lustra a sa pedhe, pruschetotu a is botinos, po dhos fàere lughentes e ca aguantat de prus sa pedhe Synonyms e antonyms allucidai, allustrai, illutzidare Etymon srd. Translations French astiquer, cirer English to polish Spanish lustrar Italian lucidare German glänzen, wichsen.

illutzidadúra , nf Definition su illutzidare, fàere lúghidu Translations French astiquage, cirage English polishing Spanish bruñido Italian lucidatura German Glänzen, Wichsen.

lúchere , vrb: lúgere, lúghede, lúghere, lúgiri, lúxere, luxi 1, lúxiri Definition mandhare lughe, lampare o fàere lughe; fàere una figura bella, bogare fama bona, su pàrrere, su si bíere de una cosa, de un'abbilesa / pps. lúghiu; lúcheresi de calicuna cosa = gosai, tènniri profetu de ccn. cosa Synonyms e antonyms allampizare, illucherare, lughizare Sentences cantu oras dhi luxit su Soli a sa Terra dipendit de s'istagioni ◊ làntia luminosa, as a lúghere in sos ammentos! ◊ preco sas istellas chi ti lucant sa bida ◊ fírmati, o luna, e lúcheli s'aposentu! ◊ su soli luxit in mesu de is nuis ◊ lughet sa domo tua che isprigu ◊ prima lughias a totu su mundhu ◊ immoi no luxis prus, ses abarrada in d-un'arrenconi ◊ sa cara sua luxiat prus de su soli ◊ cantu at lúghiu custa lughe? 2. cun totu su chi papas no ti ndi luxit! ◊ su fitzu de Nichele za bi at lúchitu foras de vidha! ◊ de totu cussa richesa issu no si ndh'est mai lúchiu ◊ at a èssi dinai chi tenis cuau, ma notesta innòi ti ndi luxit pagu! (Crisioni)◊ si tribagliaiat cun s'isperàntzia de si ndhe lúghere s'annu ifatu Etymon ltn. lucere Translations French reluire, resplendir English to shine Spanish lucir, lucirse Italian rilùcere, splèndere German scheinen, strahlen, leuchten, glänzen.

lughizàre , vrb Definition giare lughe, lúghere Synonyms e antonyms lúchere Sentences dogni làgrima tua fata a gema det lughizare in su brillante istema (P.Casu) Translations French resplendir English to shine Spanish resplandecer Italian splèndere German scheinen, strahlen, leuchten, glänzen.

lustradúra , nf Definition su pònnere o frigare su lustru po fàere lughente sa cosa Etymon srd. Translations French astiquage, cirage English polishing Spanish lustramiento Italian lucidatura German Glänzen, Polieren, Putzen, Bohnern.

prelliài, prelliàre , vrb Definition lúghere che pèrela, giare o mandhare coment'e lughe Synonyms e antonyms brigliai, grigliare Sentences sa follixedha nascendi candu essit a sa luxi prélliat e parit chi preghit! ◊ de cantu fit curiosu li prelliaiant sos ogros Translations French briller English to shine Spanish brillar Italian brillare German glänzen, strahlen.

prellúgiri, prellúxi , vrb Definition lúghere Synonyms e antonyms brigliai, grigliare, prelliai Sentences po ti abbandonai, mancu a pensamentu: po mei prelluxis che oro e argentu! ◊ immàgini in pintura formada po mei, po mei prelluxis coment'e istella! (E.Mameli) Translations French resplendir English to shine Spanish resplandecer Italian risplèndere German glänzen, strahlen.