Ditzionàriu in línia
de sa limba e de sa cultura sarda

allustrài, allustràre , vrb: allustriai, lustrare* Definizione frigare su lustru a sa pedhe, mescamente a is iscarpas, a is botinos, po dha fàere lúghida; frigare crachina o àteru po mantènnere netos is muros de sa domo Sinonimi e contrari illuchidare, illustrare / argidhai Frasi ses a bistiri pranciau e botinedhus allustriaus dogna dí 2. pobidha mia est pinnighendi argidha po allustrai su logu Traduzioni Francese astiquer Inglese to polish Spagnolo sacar lustre Italiano lucidare Tedesco glänzen, bohnern.

alluxentài , vrb Definizione fàere lúghidu Sinonimi e contrari allucidai, allustrai, illuchidare / impompitare Frasi su logu est límpiu límpiu, alluxentau a cera ◊ su lutoni si alluxentat cun limoni e cinixu ◊ labai ca est festa: tocai, alluxentaisidhas is botas! Etimo srd. Traduzioni Francese faire reluire, se parer Inglese to make bright, to shine, to dress up Spagnolo hacer relucir, acicalar Italiano far rilùcere, brillare, agghindarsi Tedesco leuchten, glänzen, sich herausputzen.

brigliài, brigliàre , vrb: brillai, brillare Definizione su èssere lúghidu, su giare o mandhare coment'e lughe meda, pampada, nau de una cosa Sinonimi e contrari grigliare, lúchere, lutzigare, prelliai Frasi brígliat de bonu ardore dogni foghile ◊ giogu de madrepellas totu a intàgliu in sas doradas cordas piús brígliat (Cubeddu)◊ brígliant sas fiamaridas in s'iferru Etimo spn., itl. Traduzioni Francese briller Inglese to shine Spagnolo brillar Italiano brillare Tedesco glänzen.

brilladúra , nf Definizione su brigliare, giare coment'e lughe; foedhandho de movimentu, imbrilladura, betadura de atesu Sinonimi e contrari brillamentu Etimo srd. Traduzioni Francese luminosité, luminance Inglese twinkling Spagnolo brillo Italiano brillaménto Tedesco Glänzen.

grigliàre , vrb Sinonimi e contrari brigliai*, lúchere, prelliai Frasi grigliendhe a festa si che intrat su sole ◊ grígliat paghe e vida tra bélidas e sonizos de campagna fiorida ◊ sos nebodedhos li grígliant in giru a ciascu e festa ◊ grígliant in giru músicas e rimas in su santu trabàgliu e in s'isóriu (P.Casu) Traduzioni Francese briller Inglese to shine Spagnolo brillar Italiano brillare Tedesco glänzen.

illampizàre , vrb Definizione fàere o mandhare coment'e lampos de lughe Sinonimi e contrari allampizare, brigliai, grigliare, lúchere, lutzigare Frasi sos ogros suos lúghidos che bidros illampizant che oro ◊ comente iscúrigat, carchi istedhu illampizat ◊ candho sulas, framma e ischintizas bolant, alluet ónnia cosichedha: intas tue, mofèndheti, illampizas! Etimo srd. Traduzioni Francese resplendir Inglese to shine Spagnolo resplandecer Italiano risplèndere Tedesco glänzen, strahlen.

illughentàre , vrb Sinonimi e contrari brigliai, illampizare, illugerrai, lúchere Frasi deo in saltu e binzas so sempre afatzendhada, goi o gai, e tribagliendhe etotu m'illughento (Piras) Traduzioni Francese resplendir Inglese to shine Spagnolo resplandecer Italiano risplèndere Tedesco glänzen, strahlen.

illustràre , vrb Definizione frigare, pònnere sa lustra a sa pedhe, pruschetotu a is botinos, po dhos fàere lughentes e ca aguantat de prus sa pedhe Sinonimi e contrari allucidai, allustrai, illutzidare Etimo srd. Traduzioni Francese astiquer, cirer Inglese to polish Spagnolo lustrar Italiano lucidare Tedesco glänzen, wichsen.

illutzidadúra , nf Definizione su illutzidare, fàere lúghidu Traduzioni Francese astiquage, cirage Inglese polishing Spagnolo bruñido Italiano lucidatura Tedesco Glänzen, Wichsen.

lúchere , vrb: lúgere, lúghede, lúghere, lúgiri, lúxere, luxi 1, lúxiri Definizione mandhare lughe, lampare o fàere lughe; fàere una figura bella, bogare fama bona, su pàrrere, su si bíere de una cosa, de un'abbilesa / pps. lúghiu; lúcheresi de calicuna cosa = gosai, tènniri profetu de ccn. cosa Sinonimi e contrari allampizare, illucherare, lughizare Frasi cantu oras dhi luxit su Soli a sa Terra dipendit de s'istagioni ◊ làntia luminosa, as a lúghere in sos ammentos! ◊ preco sas istellas chi ti lucant sa bida ◊ fírmati, o luna, e lúcheli s'aposentu! ◊ su soli luxit in mesu de is nuis ◊ lughet sa domo tua che isprigu ◊ prima lughias a totu su mundhu ◊ immoi no luxis prus, ses abarrada in d-un'arrenconi ◊ sa cara sua luxiat prus de su soli ◊ cantu at lúghiu custa lughe? 2. cun totu su chi papas no ti ndi luxit! ◊ su fitzu de Nichele za bi at lúchitu foras de vidha! ◊ de totu cussa richesa issu no si ndh'est mai lúchiu ◊ at a èssi dinai chi tenis cuau, ma notesta innòi ti ndi luxit pagu! (Crisioni)◊ si tribagliaiat cun s'isperàntzia de si ndhe lúghere s'annu ifatu Etimo ltn. lucere Traduzioni Francese reluire, resplendir Inglese to shine Spagnolo lucir, lucirse Italiano rilùcere, splèndere Tedesco scheinen, strahlen, leuchten, glänzen.

lughizàre , vrb Definizione giare lughe, lúghere Sinonimi e contrari lúchere Frasi dogni làgrima tua fata a gema det lughizare in su brillante istema (P.Casu) Traduzioni Francese resplendir Inglese to shine Spagnolo resplandecer Italiano splèndere Tedesco scheinen, strahlen, leuchten, glänzen.

lustradúra , nf Definizione su pònnere o frigare su lustru po fàere lughente sa cosa Etimo srd. Traduzioni Francese astiquage, cirage Inglese polishing Spagnolo lustramiento Italiano lucidatura Tedesco Glänzen, Polieren, Putzen, Bohnern.

prelliài, prelliàre , vrb Definizione lúghere che pèrela, giare o mandhare coment'e lughe Sinonimi e contrari brigliai, grigliare Frasi sa follixedha nascendi candu essit a sa luxi prélliat e parit chi preghit! ◊ de cantu fit curiosu li prelliaiant sos ogros Traduzioni Francese briller Inglese to shine Spagnolo brillar Italiano brillare Tedesco glänzen, strahlen.

prellúgiri, prellúxi , vrb Definizione lúghere Sinonimi e contrari brigliai, grigliare, prelliai Frasi po ti abbandonai, mancu a pensamentu: po mei prelluxis che oro e argentu! ◊ immàgini in pintura formada po mei, po mei prelluxis coment'e istella! (E.Mameli) Traduzioni Francese resplendir Inglese to shine Spagnolo resplandecer Italiano risplèndere Tedesco glänzen, strahlen.