Abbreviations Legenda | Symbols Legend

caràtza , nf: coratza Definition css. cosa chi si pòngiat a cuare sa cara, po su prus cun duos istampighedhos po is ogos; muru ananti de su barracu, genia de alabinna Synonyms e antonyms bisera, caravaltza, carota, fachile, facioba 1, frangili, màscara Sentences a mascarare si ponent sa caratza ◊ a su bandhidu che li fit falendhe sa caratza e connotu l'ant ◊ cussu tenet birgonza de su chi est e menzus si ponet sa caratza! ◊ a s'àinu maghinendhe li ponent sa caratza Surnames and Proverbs smb: Coratza, Corazza Etymon ctl. carassa Translations French masque English mask Spanish caratula Italian màschera German Maske.

caròta , nf: carote, carotza, corota, garota Definition css. cosa chi si ponet a cuare sa cara; a logos sa corota est sa careta de pònnere in conca Synonyms e antonyms caratza, caravaltza, fachile, facioba 1, frangili / cabbúsciu, careta Sentences chi no dha connoscis dh'as a timi puru: parit de cussas carotas de carnovali! ◊ sa carota chi giughes sentza bafos, dae comente manna e bruta l'as, est digna de sas ficas e de ciafos (P.Mereu)◊ istratza sa carota de cussos bendhuleris chi ti cherent picare a puntorjadas! 2. is pipios a conca si poniant sa corota de pichei Etymon ctl. carota Translations French masque English mask Spanish careta Italian màschera German Maske.

discaràre , vrb rfl Definition bogare sa cara, lassare bíere sa cara, fàere a bíere Synonyms e antonyms ifatzolare, iscarare Etymon spn. descararse Translations French se démasquer English to take off one's mask, to give oneself away Spanish desenmascarar Italian smascherarsi German sich demaskieren, die Maske abnehmen.

iscaratzàre , vrb Definition bogare, tròchere sa caratza, ammostare sa cara po su chi est; giare a ischire, isprubbicare, cosa cuada de ccn. Synonyms e antonyms ifatzolare, irvisierare, iscarotare | ctr. caratzare Sentences sas màscaras chi andhant a una domo candho las cómbidant s'iscaratzant pro si fàghere a connòschere Translations French démasquer English to unmask Spanish desenmascarar, descubrir Italian smascherare German die Maske abreißen.

màscara , nf: màschera Definition persona carotada a carrasegare, mascarandho; sa faciola chi si ponent in divertera; genia de amparu de pònnere a nasu e buca po no lassare passare gasos toscosos (m. antiggàs) o àteru chi noghet, o fintzes po badrare is ogos sardandho / genias de màscara: brutas o butudos (totu iscorriadas, cun corros, intzintziedhadas, bestias cun pedhes de animale e a bisura de animales); límpias (carotadas ma chentza pàrrere cosa mala); màscara de cadhu (nau de unu) = isfaciu; mascaredha = fintzes marioleta, buratinu Synonyms e antonyms trusu / bisera, caratza, carota Sentences los at pretzetaos a ballare chin àteras màscheras, no a solos ◊ si bestit de màscara cun is bestiris de sa mulleri ◊ at bénnidu màscaras a domo, ma no si sunt iscaratzadas a las connòschere ◊ is màscaras bestias de mamutzones, cun casidhos corrudos, càrrigas de sonàgias, faiant fuire su fedighedhu 2. eandhe màscara de cadhu, cussu! Etymon spn. Translations French masque English mask, maschera Spanish máscara, disfraz Italian persóna mascherata, màschera German Maske, Verkleidung, Kostüm, Larve, Maske, Larve.

mascaríglia , nf Definition faciola, cosa chi si ponet po no lassare bíere sa cara: a logos, fintzes fachile po su molente, fatu cun duos istampos po dhu bestire in is origas de s'animale; ispediente po no adduire Synonyms e antonyms màscara / fachile Sentences fit feu che cane: - Malevadadu, naraiat sa zente pibiosa, arratza de mascaríglia chi li at postu sa mama! ◊ bos apo a pònnere una mascaríglia chi azis a pàrrere màscheras de befe! 2. pro annórios ti apo sevadu in s'aficu de un'abboju, ma onzi die fit noa sa mascaríglia Etymon spn. mascarilla Translations French masque English mask Spanish máscara Italian màschera German Maske.

trúsu , nm Definition chie est bestiu coment'e in carrasegare, persona mascarandho; si narat fintzes coment'e pps. po trusadu Synonyms e antonyms màscara Sentences sunt bestidos de istratzos parent trusos ◊ pro èssere veru trusu, postu si at in piusu subra de sa caratza unu fachile (Limbudu)◊ che trusos de carrasegare, chie bestit bene e chie male 2. fateit paritzas fotografias a frade meu trusu Translations French masque English mask Spanish máscara, disfraz Italian màschera German Maske.

«« Search again