Ditzionàriu in línia
de sa limba e de sa cultura sarda

cambèdha , nf, nm: cambedhu, cammedha Definition min. de camba; s'ossu de sa serra de sa camba (ma a logos nau po su fine, a logos po su grussu); in su frenu de un'animale, orrugu de cosa a ue si acàpiat sa fune o sa corria / cambedhi crabolinu = nau de ccn., chi portat is cambas finis finis Synonyms e antonyms cambichedha / ramputzedhu / cambatzu, cannedha, tílviu, tínchinu, tzura Sentences sa cambedha de sa berbeghe si ponet pro antazu de marratzos ◊ sos pipadores si pipant puru sos cambedhos de s'anca!… 2. at secatu una camba de otzastru e nche li at mutzinatu sas cambedhas minutas Surnames and Proverbs smb: Cambedda Scientific Terminology crn Translations French tibia English shin Spanish tibia, peroné Italian tìbia, stinco German Schienbein.

cannèdha , nf: gannedha Definition ossu a cannedhu (de sa serra de sa camba, de su bratzu); sa canna de su gúturu; genia de tubbighedhu; cambu de erba buidu aintru / sa c. manna de su bratzu = s'ossu de su cuidu Synonyms e antonyms cannitedha / cambatzu, cambedha, tílviu, tínchinu / cambu Sentences za l'at tentu su dannu: bénzichi si at segadu sa cannedha de s'anca, comente est rutu! ◊ a fortza de gana, s'ossu nudu si viet in cannedhas ◊ fumendhe ses? fúmadi sa cannedha de s'anca si no tenes àteru de fàghere! ◊ che fipi rutu in d-unu treminile e in su bratzu mancu zughio ambas cannedhas truncaas 2. ita sabori de mari, sa cassola: ti calat lisa lisa in cannedha! Surnames and Proverbs smb: Cannedda Etymon ltn. cannella Translations French tibia, chaume English shinbone Spanish canilla Italian stinco, tìbia, culmo German Schienbein, Halm.

tílviu , nm: dílviu, tíviu Definition in sa carena de su cristianu, sa cannedha o serra de sa camba; su pische de sa camba, su músculu mannu de apalas in artu Synonyms e antonyms cambatzu, cambedha, cannedha, tínchinu, tzura / piscioni Scientific Terminology crn Etymon itl. Translations French tibia English shinbone Spanish tibia Italian tìbia German Schienbein.

tínchinu , nm Definition s'ossu de sa serra de sa camba, su prus grussu e forte de is duos de sa camba, tra s'annoigadórgiu de su benugu e de su cambúciu, a parte de ananti Synonyms e antonyms cambatzu, cambedha, cannedha, tílviu / cdh. schincu Scientific Terminology crn Etymon itl. Translations French tibia English shin (bone) Spanish tibia Italian stinco, tìbia German Schienbein.

tzancòne, tzancòni , nm Definition su cambúciu, su pei Sentences mi so solovrendhe in sa cadrea cun sos tzancones in sa ziminea chirchendhe de m'iscaldire sa carena (B.Trudhaju)◊ narat su díciu: Margiani andhat a pedhóriu fintzas a che lassare su tzancone (A.Calledda) Scientific Terminology crn Etymon srd. Translations French tibia English shin Spanish tibia, pantorrilla Italian stinco German Schienbein.

tzúra , nf Definition sa cannedha o serra de sa camba, s'ossu prus grussu de sa camba a parte de ananti Synonyms e antonyms cambatzu, cambedha, cannedha, tínchinu Scientific Terminology crn Translations French tibia English shinbone Spanish tibia Italian tìbia German Schienbein.