cambèdha , nf, nm: cambedhu, cammedha Definitzione min. de camba; s'ossu de sa serra de sa camba (ma a logos nau po su fine, a logos po su grussu); in su frenu de un'animale, orrugu de cosa a ue si acàpiat sa fune o sa corria / cambedhi crabolinu = nau de ccn., chi portat is cambas finis finis Sinònimos e contràrios cambichedha / ramputzedhu / cambatzu, cannedha, tílviu, tínchinu, tzura Frases sa cambedha de sa berbeghe si ponet pro antazu de marratzos ◊ sos pipadores si pipant puru sos cambedhos de s'anca!… 2. at secatu una camba de otzastru e nche li at mutzinatu sas cambedhas minutas Sambenados e Provèrbios smb: Cambedda Terminologia iscientìfica crn Tradutziones Frantzesu tibia Ingresu shin Ispagnolu tibia, peroné Italianu tìbia, stinco Tedescu Schienbein.

cannèdha , nf: gannedha Definitzione ossu a cannedhu (de sa serra de sa camba, de su bratzu); sa canna de su gúturu; genia de tubbighedhu; cambu de erba buidu aintru / sa c. manna de su bratzu = s'ossu de su cuidu Sinònimos e contràrios cannitedha / cambatzu, cambedha, tílviu, tínchinu / cambu Frases za l'at tentu su dannu: bénzichi si at segadu sa cannedha de s'anca, comente est rutu! ◊ a fortza de gana, s'ossu nudu si viet in cannedhas ◊ fumendhe ses? fúmadi sa cannedha de s'anca si no tenes àteru de fàghere! ◊ che fipi rutu in d-unu treminile e in su bratzu mancu zughio ambas cannedhas truncaas 2. ita sabori de mari, sa cassola: ti calat lisa lisa in cannedha! Sambenados e Provèrbios smb: Cannedda Ètimu ltn. cannella Tradutziones Frantzesu tibia, chaume Ingresu shinbone Ispagnolu canilla Italianu stinco, tìbia, culmo Tedescu Schienbein, Halm.

tílviu , nm: dílviu, tíviu Definitzione in sa carena de su cristianu, sa cannedha o serra de sa camba; su pische de sa camba, su músculu mannu de apalas in artu Sinònimos e contràrios cambatzu, cambedha, cannedha, tínchinu, tzura / piscioni Terminologia iscientìfica crn Ètimu itl. Tradutziones Frantzesu tibia Ingresu shinbone Ispagnolu tibia Italianu tìbia Tedescu Schienbein.

tínchinu , nm Definitzione s'ossu de sa serra de sa camba, su prus grussu e forte de is duos de sa camba, tra s'annoigadórgiu de su benugu e de su cambúciu, a parte de ananti Sinònimos e contràrios cambatzu, cambedha, cannedha, tílviu / cdh. schincu Terminologia iscientìfica crn Ètimu itl. Tradutziones Frantzesu tibia Ingresu shin (bone) Ispagnolu tibia Italianu stinco, tìbia Tedescu Schienbein.

tzancòne, tzancòni , nm Definitzione su cambúciu, su pei Frases mi so solovrendhe in sa cadrea cun sos tzancones in sa ziminea chirchendhe de m'iscaldire sa carena (B.Trudhaju)◊ narat su díciu: Margiani andhat a pedhóriu fintzas a che lassare su tzancone (A.Calledda) Terminologia iscientìfica crn Ètimu srd. Tradutziones Frantzesu tibia Ingresu shin Ispagnolu tibia, pantorrilla Italianu stinco Tedescu Schienbein.

tzúra , nf Definitzione sa cannedha o serra de sa camba, s'ossu prus grussu de sa camba a parte de ananti Sinònimos e contràrios cambatzu, cambedha, cannedha, tínchinu Terminologia iscientìfica crn Tradutziones Frantzesu tibia Ingresu shinbone Ispagnolu tibia Italianu tìbia Tedescu Schienbein.

«« Torra a chircare