Ditzionàriu in línia
de sa limba e de sa cultura sarda

babbài , nm Definition títulu chi a logos ancora narant a su babbu, o fintzes a su sorgu; títulu de arrespetu chi si narat a ómines mannos, preides, dutores; in s'antigóriu fut su númene chi is Sardos giaiant a Deus comente arresurtat de su témpiu de Antas (in is montes tra Iglésias e Fluminimagiore) Synonyms e antonyms babbu / bae 1, tziu Sentences candho babbai torrat dae monte ti at a contare cosas de ispantu ◊ tue a Deus tenes a babbai e no cheres in s'ànima unu neu (Piras)◊ si bolis a mei a mulleri domanda a babbai! ◊ ajaju at lassau sa sienda a babbai e babbai dh’at lassada a mei 2. babbai Casu at furriadu sa Divina Cummédia de Dante in limba sarda ◊ babbai Antoni, a bos ndhe comporades de trigu? Etymon srd. Translations French papa, monsieur English sir Spanish papá, don Italian babbo, signóre German Vater, Papa, Herr, Gott.

bàbbu , nm: ibbabbu, ubbabbu Definition ómine chi at fatu o tenet fígios: foedhandho in 1ˆ p., fintzes chentza art. e ne agt. possessivu, babbu est sèmpere su meu, su nostru; in cobertantza, ccn. o ccn. cosa de inue ndhe dipendhet o ndhe at dipéndhiu àteras / Babbu Mannu = Deus, su Babbu, sa prima Pessone de sa Divinidade segundhu sa dotrina cristiana; vocativu, sa peràula si truncat: O bà, benide!; andhare, bènnere a babbu = itl. da/dal babbo Synonyms e antonyms babbai Idioms csn: cicai babbu a Deus = chircare una parentella chi no si connoschet; no si cumprèndhere su b. cun su fizu = èssere totu betadu apare, cufusione manna Sentences maridu meu est su babbu de fizos mios ◊ Bà, perdònalos ca no ischint su chi sunt faghindhe! ◊ a su chi mi donat pani nau babbu ◊ dèu meinnoxi mi parit ca in dógnia logu biu a babbu o a mamma ◊ no apo tzessadu mai de istimare a babbu tou ◊ bae a babbu ca ti cheret! 2. non si cumprendit su babbu cun su fillu Surnames and Proverbs prb: su pecau de babbu dhu prangit fillu Etymon ltn. *babbus Translations French père, papa English father, dad Spanish padre, papá Italian padre, babbo German Vater, Papa.

patérnu , agt Definition de su babbu, chi pertocat is babbos Translations French paternel English paternal Spanish paterno Italian patèrno German Vater, väterlich.