Abbreviations Legenda | Symbols Legend

addonnàre , vrb Definition fàere a unu, o una cosa, de si ndhe pòdere serbire, fàere cambiare su cumportamentu a manera chi pòngiat mente, chi si lessat pigare comente bolet s'àteru Synonyms e antonyms ammarchidare, ammasedae, ammodhiae, domai Sentences si ti giompo già ti fato addonnare!…◊ già mi est costadu a l'addonnare, cussu cristianu!… 2. custa bértula est tètera ca est noa: su tempus sempremmai l'at a addonnare! Etymon srd. Translations French apprivoiser, domestiquer English to domesticate, to soften Spanish domesticar, ablandar Italian addomesticare, ammorbidire German zähmen, mildern.

ammasedàe, ammasedài, ammasedàre, ammasedàri , vrb: ammaserai, ammasessare, ammasetare, ammasetzare, ammesetare, masedai Definition fàere a masedu, torrare o essire masedu; foedhandho de gente, essire de cumportamentu prus ammedhosu, chi si lassat chistionare o acortzire de prus Synonyms e antonyms addonnare, ammavelare, domai | ctr. arestai, assirbonae Sentences pro l'ammasetare l'at imbitzadu cun bucones licantzos ◊ cun sa bona manera si ammasetat onzi fera ◊ lupu e aes si ammasetant candho cantat isse 2. abbratzadu mi apo sas peleas ammasetendhe sas malas ideas pro abbarrare in su caminu deretu (F.Dedola)◊ ammasedau in galera siat, cussu! ◊ aici etotu ammasereis cussus corus traitoris! ◊ mancari tirriosa, tue puru as ammasetzau! ◊ cussos reberdes tocat a dhos ammasetzare o cun sas bonas o cun sas malas! Surnames and Proverbs prb: si disígias ammasedai pigadí mulleri! Etymon ltn. ad+ma(n)suetare Translations French apprivoiser English to domesticate Spanish amansar, domesticar Italian ammansire, addomesticare German zähmen.

domài , vrb: domare Definition abbituare un'animale a istare a manu de sa gente, prus che àteru po si ndhe serbire a trebballare, portare càrrigos, pònnere mente a unu cumandhu Synonyms e antonyms addonnare, ammasedae, iscussare Sentences no mi sèghero chi so dego s'istripile de Zudas, sa calabrina rude mala a domare! Etymon ltn. domare Translations French dompter English to tame Spanish domar Italian domare German zähmen.

«« Search again