pinnadédhu , nm Sinònimos e contràrios pínnaru Terminologia iscientìfica pzn.

pinnadédhu 1, pinnadéllu , nm Definitzione genia de pedra, prus che àteru niedha e ladita, chi apicant a sa cadenita po majinzu (ca nanca badrat de calecunu dannu) o po bellesa; fintzes pibionedhu de imbidru istampau e de diferentes colores po usu de cannaca / ojos de pinnadellu = ogus bellus, niedhus, luxentis, bius; istare o èssere che p. = (nau de unu) èssiri unu bellu giòvunu Sinònimos e contràrios coco, sebeste / cdh. sabàciu Frases ge si dh'iu apretzetau, a Filomena, de dhi ponni unu pinnadedhu! (A.Garau)◊ cussa est brúscia, connoscit is brebus e tenit is perdas de s'ogu: sa perda de su pinnadedhu, cussa de su tronu e sa sabègia 2. at isposadu una picioca bella meda, cun sos ògios chi parent pinnadellos Tradutziones Frantzesu ambre, amulette Ingresu amber, amulet Ispagnolu ámbar, amuleto Italianu ambra, amulèto Tedescu Bernstein, Amulett.

«« Torra a chircare