spadulài , vrb: ispadulare* Definitzione iscutulare is pannos samunandhodhos; nau de su sirbone, iscaviare, giare cropos cun su bruncu atacandho o cracandho un'àteru animale; fintzes fàere una genia de tzàcurru cun sa limba coment'e candho si pigat calecunu sabore Sinònimos e contràrios ischitinare, iscotzinare, iscutuai / sparulai Frases is piciocas indúllias in s'erriu fiant spadulendi obracis ◊ is lessieras fiant sa lessia e spadulànt sa robba in sa tella 2. merxani s'est fatu arriscau: spadulendi sa coa fata a túturu si parat innantis a s'argalla maletzosu ◊ su sirboni si fuat firmau spadulendu sa buca e puntau a su cani 3. spàdulat sa língua ca at papau pruna crua ◊ mussiàt totu e spadulàt sa buca trotoxendusí de su prexu.
