stràgu , nm: istragu* Definitzione dannu mannu de bochíere gente o animales, distrúere totu; fastídiu mannu, pena forte, dispraxere Sinònimos e contràrios distrubbu, dolore, matratamentu, pena / dannu, degógliu, desacatu Frases is màrigas, a su biri custu stragu, atumbant apari e segaras si funt ◊ billas totu sa noti timendi chi margiani iscumpudiu ti fatzat stragu mannu ◊ sa morti ti at fatu stragu mannu in corti Tradutziones Frantzesu massacre Ingresu massacre Ispagnolu masacre Italianu strage Tedescu Blutbad.

stràgu 1 , nm: istragu* 1 Sinònimos e contràrios cadha, cària, istrachidúdine, pelea Frases issu depit lassai sa cassa, ca est tropu stragu e dhi fait mali! ◊ a fai a prandi in domu po sa coja est tropu stragu po sa famíglia ◊ cussa cosa a dha fai totu a una borta est unu stragu ◊ funt bennius a mengianu e torraus andai a merí: mancu su stragu, cun totu cudhu viàgiu!…

stràgu 2 , nm Definitzione genia de tragu de ferru totu a punciones (o dentes, puntas grussas) asuta, de passare in sa terra arada po carragiare su sèmene, po mòvere sa terra a is laores candho funt ancora piticos a erba po dhis fàere de marríngiu Sinònimos e contràrios stripadori Frases a su trigu dhi passaus su stragu de ferru e dhu concimaus Tradutziones Frantzesu herse Ingresu drag Ispagnolu grada Italianu érpice Tedescu Egge.

«« Torra a chircare