Ditzionàriu in línia
de sa limba e de sa cultura sarda

collèra , nf: cugliera, culgera, cullera, culliera Definizione genia de aina pitica, unu pagu cofuda, a fossu, fine, de forma ovale, cun sa màniga, prus che àteru po umprire a papare cosa brodosa o pitica meda, ma adata fintzes po murigare Sinonimi e contrari cociale, cucera Frasi in mesa giuchet pratu, leputzedhu, cugliera e furcheta mannicanne ◊ no tengu culleras, ni frochitas e gortedhus ◊ candho no faiat prus a súere, a su pipiu dhi giaiant a papare a cullera ◊ portu gortedhus, furchitas e culleras imbodhiaus ◊ donadhi una cullera de lati! ◊ aciungi duas culleras de tzúcuru! ◊ canno intenniat sa gafetera, leàt unu crabetore e una cullera, dhos iscudiat apare e tzirriàt: A su gafè! Terminologia scientifica ans Etimo ctl. cullera Traduzioni Francese cuiller Inglese spoon Spagnolo cuchara Italiano cucchiàio Tedesco Löffel.