Ditzionàriu in línia
de sa limba e de sa cultura sarda

bobbollònca , nf: bubbullonca Definizione pigighedhu de pedhe chi si artzat e ufrat coment'e busciuca e si prenat de abbadúgia po abbruxadura, frigadura o àteru; genia de bocighedhas chi si faent sulandho in s'abba cun sabone Sinonimi e contrari bòbbora, bollonca, bubbulica, buciuca, fiodha, ilfiodha, impudha, vuvudha Frasi si li est fata sa carre a bobbolloncas ca che li est ruta s'abba iscota iscota a subra Traduzioni Francese cloque, bulle, ampoule Inglese bubble Spagnolo ampolla Italiano bólla, gallòzzola Tedesco Blase.

bollònca , nf: buglianca, bullanca, bullonca, bulluca Definizione busciuca o bubburuca de abbruxadura, de sabone, de abba, de salia; fintzes fruschedha, gurone Sinonimi e contrari bobbollonca, bubbulica, bubburuca, buciuca, bodhonca, fiodha, ilfiodha, impudha / babballuca Frasi in manu zuchiat una bollonca chi si at fatu fachendhe unu zirante ◊ est cun sas ancas prenas de bolloncas ca nch'est colau in mesu de s'urtiga ◊ rimédios e ispannos sanant dogni bullanca ◊ is bullucas s'isciopant 2. sas leadas in giru chi mi as fatu sunt bullancas de sabone! ◊ su pisci est annadendi fadendi bullucas in sa bratzita ◊ sighit cun is ogus su fui fui de bulluchedhas de saboni Etimo srd. Traduzioni Francese cloque, bulle, ampoule, vésicule Inglese small blister Spagnolo burbuja, ampolla Italiano bólla, vescichétta Tedesco Blase.

bubbulíca , nf: bubbuluca Definizione genia de ufradura chi si prenat de abbadúgia; logu totu abba de comente at própiu Sinonimi e contrari bobbollonca, bollonca, bubburuca, buciuca, fiodha, ilfiodha / abbadinu Terminologia scientifica mld Etimo srd. Traduzioni Francese pustule, cloque, bulle, ampoule Inglese pustule, bubble Spagnolo pústula Italiano pùstola, bólla Tedesco Pustel, Blase.

bumbúlla , nf Definizione ispétzia de grobbuledhu chi faet s'abba candho proet o candho budhit in sa pingiada; buciuchedha chi faet sa pigota o un'abbruxadura / pesai sa b.; bumbulledha prena de àcua; b. de àcua cun saboni Sinonimi e contrari bobbollonca, bollonca, bubbulica, buciuca, bulluca, burbudha, ilfiodha Frasi sa pigota fait bumbullas ◊ is bumbullas dhas fait su pani chi no est bèni axedau Etimo srd. Traduzioni Francese cloque, bulle, ampoule Inglese small blister, bubble Spagnolo burbuja Italiano bólla, vescichétta Tedesco Blase.

cannacúla , nf, nm: cannagua, cannagula, cannagulu Definizione s'úrtima parte de s'istentina Terminologia scientifica crn Etimo srd. Traduzioni Francese intestin rectum, ampoule rectale Inglese rectum Spagnolo intestino recto Italiano intestino rètto, ampólla rettale Tedesco Mastdarm.

fiòdha , nf: friodha Definizione buscichedha o bubburuca chi si faet in sa pedhe prena de abbadúgia Sinonimi e contrari bobbollonca, bollonca, bubbulica, buciuca, bulluca, ilfiodha, isciota Traduzioni Francese cloque, bulle, ampoule Inglese blister Spagnolo ampolla Italiano bólla acquaiòla Tedesco Blase.

ilfiòdha , nf: infiodha, isfiodha, isfiodhe Definizione genia de busciuca chi si ndhe artzat in sa pedhe, prena de abbadúgia, po abbruxadura o maladia Sinonimi e contrari bobbollonca, bollonca, bubbulica, buciuca, bulluca, bumbulla / fiodha, freadura, ingheta, iscardidura, isciota, piticada Traduzioni Francese cloque, ampoule, bulle, vésicule Inglese blister Spagnolo ampolla Italiano bólla da ustióne, flittèna Tedesco Blase.

lampadína , nf Definizione genia de aparíciu chi faet lughe a currente elétrica abbrigandho unu filu finivini o alluendho chentza de abbruxare ccn. gasu aintru de una bòcia o tubbu de imbidru / l. a pila = genia de aparíciu de pigai in manu, fintzas in buciaca, po fai unu pagu de luxi a s'apretu Frasi fit chilchenne s'interrutore pro atzènnere sa lampadina ◊ a denote sas lampadinas allutas de sas bidhas si bident de atesu Traduzioni Francese ampoule Inglese lamp Spagnolo bombilla Italiano lampadina Tedesco Glühbirne.