Ditzionàriu in línia
de sa limba e de sa cultura sarda

àlva , nf: alba, arva, balva*, varva Definizione su pilu grussu chi creschet a s'ómine in cara, de is trempas a is murros e a su gúturu; su tretu a punta de sa cara, in sa barra de fundhu, ananti; foedhandho de erbas e matas, arraighinas fines e longas / s'arba de sa baca, de su boe = sa pedhi chi portant pendibendi in su gúturu; fàghere s'arba (nau de aina) = segai meda Sinonimi e contrari radichina Frasi giughet sos pilos de s'arva che ispidos 2. ite mi tantat chi ti ndhe bogo sa limba suta s'alva! ◊ fróbbidi s'arba, ca zughes cosa de comente fis manighendhe! 3. dae tentu cun cussa lepa, no ti seghes: s'arba faghet, mih! Cognomi e Proverbi smb: Arba Terminologia scientifica crn Traduzioni Francese barbe, menton Inglese beard, chin Spagnolo barba, barbilla Italiano barba, ménto Tedesco Bart, Kinn.

arèste , nf: arista, erista, irista, rasta 1 Definizione braba de s'ispiga, su filighedhu longu, téteru, chi faet sa camisa de dónnia granu in s'ispiga de su trigu, de s'órgiu o de àtera erba deasi / min. aristixedha Sinonimi e contrari listra 1 Modi di dire csn: iscalaxiu che un'arista (nadu de unu)= finedhedhu, istrízile apunta a s'irzànghere; trigu aresti niedhu = calidade de trigu Terminologia scientifica rbr Etimo ltn. arista Traduzioni Francese arête, barbe d'épi Inglese arista Spagnolo arista Italiano rèsta, barba del grano Tedesco Granne.

bàlva , nf: alva, barba, barva, braba, varva Definizione su pilu chi creschet a s'ómine de trempas a is murros e a su gúturu; su tretu puntudu de sa cara, sa punta de sa barra de fundhu; foedhandho de erbas e matas, arraighinas fines e longas Sinonimi e contrari baedhu / radichina / cdh. balba Modi di dire csn: fàghere una cosa che barba de isposu = bene meda; fàere sa braba cun duos corognos = fai is cosas chen'e is ainas adatas; is barbas de su pisci = zenia de alighedhas; barba de pudhu, de caboni = brabas, zenia de nàcaras chi zughet pendhindhe in bula; barba de becu, de craba = tzufu de pilu longu chi zughent suta de sa barra de fundhu; erba de braba = "andropogon hirtus", zenia de erba chi de sa raighina faghent ispàtzulas; fai barba (faedhendhe de àrbures)= bogare, pònnere raighinas; brabas de soli = raighinas subra subra, a paris a terra; abbarrai a barba asciuta = cun d-unu prammu de nasu, chentza su chi s'isperaiat 3. in terra letu adatu apo agatadu e balvas apo postu e so naschidu Cognomi e Proverbi smb: Barba Terminologia scientifica crn Etimo ltn. barba Traduzioni Francese barbe, menton Inglese beard, chin Spagnolo barba Italiano barba, ménto Tedesco Bart, Kinn.

nàbras , nf: nabres, narbes, narvas, navras, navres Definizione prendhas chi si apicant in is origas; genia de arracadas o figas chi essint in su tzugu, asuta, prus acanta a su gúturu, a crabas e brebès e abbarrant pendhendho coment'e duos lorinchinos Sinonimi e contrari aricina, arra, arracada, loritzina, pendhulica, pitoriga / nàcara 1, nàidi, navrada Terminologia scientifica prd Etimo ltn. inaures Traduzioni Francese boucles d'oreilles, barbe (zool.) Inglese earrings, wattles Spagnolo pendiente, barba Italiano orecchini, bargìgli Tedesco Ohrringe, Lappen, Ziegebart.

nàcara 1 , nf Definizione prendhas chi is féminas si apicant a origas; genia de arracadas o figas chi essint in su tzugu, asuta, prus acanta a su gúturu, a crabas e brebès e abbarrant pendhendho coment'e duos lorinchinos Sinonimi e contrari aricina, arra, arracada, pendhulica / figas, nabra, naera, nàidi 2. medas crabas zughent sas nàcaras e fintzas carchi berbeghe Terminologia scientifica prd Traduzioni Francese barbe (zool.) Inglese curb Spagnolo pendiente, barba Italiano barbazzale, téttola Tedesco Ohrringe, Lappen, Ziegebart.

prúdha , nf Definizione su granu de su moriscu lómpiu e àrridu fatu a orrosa, crepau apertu comente iscópiat coendho in su fogu Sinonimi e contrari panincedha, rosellita Terminologia scientifica mng Traduzioni Francese barbe à papa Inglese popcorn Spagnolo palomita Italiano pop - corn Tedesco Pop-corn.

ràsta 1 , nf: areste*, erista, reste 1, rista Definizione su filighedhu longu, téteru, arrasposu, chi faet sa terga o camisa de dónnia granu in s'ispiga de su trigu, de s'órgiu o erbas de cussa genia Sinonimi e contrari listra 1 Frasi sas ispigas s'ibboidaiant, bi restaiat solu sa reste e trigu no in logu ◊ su trídicu cheret ispozau de sa rasta ◊ giughet paza e rista dogni mannuju, s'annada bona s'ischit a s'incunza ◊ s'orzu si ghirghinzavat pro che li catzare sa rista Terminologia scientifica rbr Traduzioni Francese arête, barbe d'épi Inglese arista Spagnolo arista Italiano rèsta, barba del grano Tedesco Granne.