Ditzionàriu in línia
de sa limba e de sa cultura sarda

alluxentósu , agt Definizione chi lughet, chi giaet o mandhat lughe Sinonimi e contrari brilladinu, grigliadore, grillante, luchente, prellugente Etimo srd. Traduzioni Francese brillant Inglese shining Spagnolo brillante Italiano brillante Tedesco glänzend.

brillànte, brillànti , agt, nm: brillianti Definizione chi lughet; genia de prendha chi s'incàsciat in anedhos e àteras prendhas etotu Sinonimi e contrari alluxentosu, brilladinu, grigliadore, grillante, luchente, prellugente 2. s’onestu est che unu brillanti: su ludu dh’imbrutat e mai dh’ammànciat! (Urru) Traduzioni Francese brillant Inglese brilliant Spagnolo brillante Italiano brillante Tedesco glänzend, Brillant.

grigliadòre , agt Definizione chi lughet Sinonimi e contrari alluxentosu, brilladinu, brigliadore*, grillante, luchente, prellugente Frasi gighet sos ògios grigliadores Traduzioni Francese brillant Inglese shining Spagnolo brillante Italiano brillante, lucènte Tedesco glänzend, leuchtend.

luchènte , agt: lugente, lugenti, lughente, luxente, luxenti Definizione chi lughet, chi giaet o mandhat lughe, chi si paret bene meda, chi si biet / lughente che isprigu = meda, luxenti che is prellas Sinonimi e contrari alluxentosu, brilladinu, brigliadore, illampizosu, lúchidu, lughianu, lutzighente, prellugente Frasi màscios e boes de intinnu lughente as a bídere a mizas ◊ a su calore de su focu at cumintzau a issire unu cordu luchente dae su mutzu de s'àrbore ◊ benne bella dha bieus lugente che s'aurora ◊ no bi at istella prus lughente de cussa Traduzioni Francese brillant Inglese shining Spagnolo reluciente, brillante Italiano lucènte, brillante Tedesco strahlend, glänzend.

lúchidu , agt: lúdigu, lúghidu, lúxidu Definizione chi lughet, chi est craru, límpiu; nau de animale, chi est bellu grassu, e de pastura chi dhue at erba meda Sinonimi e contrari lamposu, luchente, lútzidu / ciaru | ctr. tróbulu Modi di dire csn: binu l. = chentza fundhana nudha, bene pasadu; ua (crua) lúghida = sana, chi no est anneulada Frasi bellu lúghidu, mih, cust'ozuermanu! ◊ cudhas lughes a bortas grogas sunt lúdigas che oro ◊ addescàndhela, aviat fatu sa crapita a manna e lúchida che ispíciu ◊ candu Zuanni chistionat, is ogus de Arega si faint lúchidus che isprigu de su presu ◊ is erricos furint lúghidos e grassos ◊ est a ogus birdis e pilus longus e lúchidus lúchidus 2. su logu est finamentas lughidedhu e sa robba bi istat bene Etimo ltn. lucidus Traduzioni Francese luisant, brillant Inglese shiny Spagnolo luciente, lucido (anim) Italiano lùcido Tedesco blank, glänzend, klar.

lugerósu , agt: lugherosu Definizione chi dhue at lughe, chi est bene illuminau o faet lughe; nau de ccn., chi est numenau, famosu Sinonimi e contrari giariosu, lucorosu, lugosu, lumenosu | ctr. iscuricosu Frasi custu est un'aposentu lugherosu ◊ est che istella chi essit lugherosa in beranu 2. cussa est citade de númene lugerosu Etimo srd. Traduzioni Francese lumineux, brillant, éclatant, resplendissant Inglese luminous Spagnolo luminoso, fúlgido Italiano luminóso, fùlgido Tedesco leuchtend, strahlend, glänzend, hell.

lughentèsa , nf: luxentesa Definizione su èssere lughentes de is cosas Sinonimi e contrari luchidore, lucidesa, lughentore, lughentura, lutzidesa Traduzioni Francese brillant Inglese brilliance Spagnolo brillo Italiano lucentézza, brillantézza Tedesco Glanz.

lughentòre , nm: luxentori Definizione su lúghere, su èssere lughente, lúghidu Sinonimi e contrari luchidore, lucore, lutzidore Frasi benit s'iscuru e finit totu su lughentore ◊ apu apubau unu flori: prelliat chei s'ispera e cussu luxentori mi nc'intrat in su coru ◊ su luxentori de s'òru Traduzioni Francese brillant, luisant Inglese sheen Spagnolo brillo Italiano lucentézza Tedesco Glanz.