Ditzionàriu in línia
de sa limba e de sa cultura sarda

acanciofài , vrb Definizione aferrare a pilos brigandho e iscudendho o fintzes pigare de mala manera; betare apare, totu a méschiu Sinonimi e contrari aciufai 1, atzuntzudhare, incabigliare, tipiliare, tipilire Frasi nosu iscioperendu e is crumirus andendu a trabballai: ma is féminas gei dhus iant acanciofaus, iant ispinniau fintzas s'autista! 2. cumentzat s'esami e ge m'iant acanciofau: de dogn'arratza mi nd'iant fatu, fintzas acapiau a manus e a peis in d-una cadira! Etimo srd. Traduzioni Francese se crêper le chignon Inglese to brawl Spagnolo andar a la greña Italiano accapigliarsi Tedesco sich raufen.

concajòni , nm Definizione genia de petonadura de is pilos de fémina chi abbarrant imbodhigaos coment'e a cricu tundhu in sa sedha de su cúcuru (unu pagu fache a daesegus) Sinonimi e contrari cacariolu, ciónciu, cocoiledhu, cucajone, cucale, cuchedha, cucone, cucúciu, cucurinu, mirriotu, mogno, picioce Etimo srd. Traduzioni Francese chignon Inglese chignon Spagnolo moño Italiano cròcchia Tedesco Haarknoten.

coronèta , nf: coronita, curunita Definizione genia de petonadura de is féminas Sinonimi e contrari cacariolu, cocoiledhu, concajoni, cucajone, cucale, cuchedha, cucurinu, picioce Frasi bestiat sempri de niedhu, a mantellita o a guefa, a velu sempri calau ma apuntau cun s'agulla a sa coronita Etimo ctl. coroneta Traduzioni Francese chignon Inglese chignon Spagnolo tipo de peinado Italiano tignóne dei capélli della dònna Tedesco Haarkranz.

cucàle , nm Definizione genia de petenadura de fémina cun is pilos imbodhigaos a corredhu in is cucas Sinonimi e contrari cacariolu, ciónciu, cocoiledhu, cucajone, cuchedha, cucone, cucua, cucurinu, mirriotu, picioce Frasi mamma zughiat su mucadore ligadu in daesegus de sos cucales ◊ custa zòvana zughiat sos pilos acollidos in unu cucale Etimo srd. Traduzioni Francese chignon Inglese chignon Spagnolo moño Italiano cròcchia Tedesco Haarknoten.

cuchèdha , nf: cucheta Definizione genia de petenadura de is pilos de fémina chi abbarrant coment'e imbodhigaos a tedile tundhu in sa sedha de su cúcuru (unu pagu a daesegus); genia de meighina fata prus che àteru cun s'iscete de su trigu (ma fintzes pane de pódhine) Sinonimi e contrari cacariolu, ciónciu, cocoiledhu, cucajone, cucale, cucone, cucua, cucurinu, mirriotu, mogno, picioce 2. sa cuchedha si fait cun su scèti impastau cun axedu, s'ispraxit in sa teba e si ponint a s'unfradura ◊ de podhi feus cuchedhas de cani Cognomi e Proverbi smb: Cucchedda Traduzioni Francese chignon Inglese bun Spagnolo moño Italiano cròcchia Tedesco Haarknoten.

incabigliàre , vrb rfl Definizione aferrare a pilos s'unu a s'àteru, tirandho, gherrandho; betare apare is pilos Sinonimi e contrari acanciofai, aciufai 1, atzuntzudhare, tipiliare, tipilire Etimo itl. Traduzioni Francese se crêper le chignon Inglese to brawl Spagnolo agarrarse del moño Italiano accapigliarsi Tedesco sich raufen.

mògno, mógnu , nm: monzu, mugnu Definizione sos pilos de sa fémina ispizados, fatos a tritzas e presos a nodu mannu in sedha de cúcuru (ma dados unu pagu a daisegus) Sinonimi e contrari cuchedha, cucone, cucua, cucurinu, curcuvedha, mirriotu Frasi a batórdighi annos fit una bella picioca, alta, cun sos pilos fatos a mognu Cognomi e Proverbi smb: Mongiu Etimo ctl., spn. monyo Traduzioni Francese chignon Inglese chignon Spagnolo moño Italiano cròcchia Tedesco Haarknoten.