Legenda Abbreviazioni | Legenda Simboli

incomínciu , nm: incomintzu, incuménciu, incumentzu, incumintzu, iscomintzu Definizione su cuménciu, is primas cosas de una faina, de unu trebballu, de css. fata; fintzes su primu tretu, su tretu chi si agatat innanti de unu logu, de una cosa; su cumenciare Sinonimi e contrari comintzu, incumentu, inghitzu / incomintzamentu | ctr. acabbada, acabbu, finitia Frasi dai s'iscomintzu de su coju s'abbizeit chi calchi cosa no andhaiat comente deviat andhare ◊ ti dat cara su Segnore dae s’incomínciu de s’annu a s’acabbu ◊ comenti fait s'incumentzu de cussa poesia? Etimo srd. Traduzioni Francese début, commencement Inglese beginning Spagnolo comienzo, principio Italiano inìzio Tedesco Anfang.

inghítzu , nm Definizione su inghitzare, is primas cosas chi si faent de una faina, is primos momentos de unu tempus, de unu fatu, su primu tretu de unu camminu; genia de lobu po acapiare is cuadhos a su puntedhu po treulare / avb.: a s'i. = a su comintzu Sinonimi e contrari comintzada, comintzu, cunviu, inghitzada, primítziu / benitu | ctr. acabbada, acabbu, finitia Frasi abarrais de s'inghitzu a s'acabbu ◊ su "oi" separat s'inghitzu e sa fini de duas temporadas ◊ pintamí in su passu s'inghitzu de s'istrada giusta! ◊ su chi est istétiu a s'inghitzu un'ameletzu est una beridadi pitziosa, oi Etimo srd. Traduzioni Francese début, commencement Inglese begin Spagnolo comienzo Italiano princìpio, inìzio Tedesco Anfang.

prensípiu , nm: prentzípiu, princípiu, printzípiu, priscípiu Definizione su cuménciu de cosas, de chistiones e fatas; genia de régula, fundhamentu (de cumportamentu morale, de isciéntzia o àteru) Sinonimi e contrari comintzu / régula | ctr. acabbu, finitia Frasi ant tentu printzípiu sas istellas, o sunt eternas totu, Sole e Luna? ◊ bonu printzípiu e menzus fine! 2. non sigast s'arrexoni de "su tallu" si cuss'arrexoni est contras a is princípius e is valoris cosa tua! ◊ cussa est una pessone de printzípios sanos, onesta ◊ si Samanta depiat lassare sa Sardinna cheriat nàrrere po issa sa morte de sos printzípios e de sas raichinas suas ◊ su cerbedhu de us ómines tenet princípius coment'e régulas de grammàtica chi no si ndhe rendhet contu Traduzioni Francese commencement, principe Inglese principle, beginning Spagnolo principio Italiano princìpio Tedesco Anfang, Prinzip.

«« Cerca di nuovo