Ditzionàriu in línia
de sa limba e de sa cultura sarda

andariégu , agt, nm: annariegu Definizione chi o chie dhi praghet a istare andhandho, sentza fàere nudha, in giru Sinonimi e contrari andharedhu, andaríciu, bacamundhu, bandhuleri, corruntoneri, crusieri, currijolu, frundhinu, garroneri, ispeutiu, maltanu, peldulàriu, rundhajolu, zirellu | ctr. remonidu Frasi no biu prus su stori andariegu de s'àiri: innòi no nci nd'at prus celus po bolai Terminologia scientifica ntl Etimo spn. Traduzioni Francese flâneur Inglese wanderer Spagnolo andariego Italiano girellóne Tedesco Bummler.

arroliadòri , agt: arrolliarori Definizione chi istat sèmpere in giru, a s’arrólia arrólia Sinonimi e contrari arringau, bandhuleri, curriolu 1, rundhajolu, rundhanu, rundhellu, tzincavesu, zirellu Frasi cussus funt bagamundus arrolliaroris Terminologia scientifica ntl Etimo srd. Traduzioni Francese flâneur Inglese wanderer Spagnolo callejero Italiano gironzolóne Tedesco Bummler.

currijólu , agt, nm: curriolu 1 Definizione chi o chie istat a su curre curre, peri su logu, in giru Sinonimi e contrari andariegu, bacamundhu, bandhuleri, bentureri, corruntoneri, crusieri, curridanu, frundhinu, garroneri, ispeutiu, maltanu, peldulàriu, rundhellu, zirellu / ttrs. currioru Frasi est una pudhighina de ratza currijola ◊ no cherzo incrabistare sos imbérrios curriolos chi sunt galu imbozados de crabiolare apeutendhe sos prados ◊ fémina curriola no ndhe cherzas! Cognomi e Proverbi smb: Curriolu Terminologia scientifica ntl Etimo srd. Traduzioni Francese flâneur Inglese stroller Spagnolo andorrero Italiano girellóne Tedesco Bummler.

rundhajólu , agt, nm Definizione chi o chie costumat a istare in giru, perilloi perillai, a trevessu peri su logu Sinonimi e contrari arringau, arroliadori, randhaju, rundhanu, runnadore / bacamundhu, bandhuleri, ilimbitanu, garroneri, peldulàriu, rundhellu, zirellu Frasi a sa cane li amus postu "Rundhajola" ◊ matzone rundhajolu si tucat solu solu tota note a ziru Terminologia scientifica ntl Etimo srd. Traduzioni Francese flâneur Inglese dawdler Spagnolo azotacalles Italiano bighellóne Tedesco Herumtreiber.

rundhéllu , agt, nm Definizione chi o chie istat rundhendhe, perilloi perillai, in giru a trevessu Sinonimi e contrari andariegu, arroliadori, bandhuleri, garroneri, giranteri, orrunderi, rundhajolu, rundhanu, zirellu, zirulanu Frasi ndhe l'apo ghiradu maza maza dae ziru, cussu rundhellu! Etimo srd. Traduzioni Francese flâneur Inglese stroller Spagnolo azotacalles Italiano gironzolóne Tedesco Herumtreiber.

ruxulòne , agt, nm: arruxulone Definizione chi istat sèmpere in giru, a trevessu andhandho peri su logu Sinonimi e contrari ifainadu, ilimbitanu, irvaliendhadu, rundhajolu, rundhellu Traduzioni Francese flâneur Inglese loafer Spagnolo azotacalles Italiano bighellóne Tedesco Herumtreiber.

ziréllu , agt, nm Definizione chi o chie istat in giru Sinonimi e contrari andariegu, arroliadori, bacamundhu, bandhuleri, corruntoneri, garroneri, rundhellu, tzincavesu, zirolu, ziroteri Frasi Luna zirella chi andhas a inghíriu de sa Terra Etimo itl. girello Traduzioni Francese flâneur Inglese vagrant Spagnolo callejero, trotacalles Italiano gironzolóne Tedesco Müßiggänger.