Legenda Abbreviazioni | Legenda Simboli

ischíglia , nf: ischíllia, iscríglia, schíllia Definizione campanedha pitichedhedha; chígula, sonàgia pitichedhedha chi si ponet a unos cantu animales apicau a tzugu mescamente a trintzilleri, a cannaca, po is festas; cun s'initziale manna (e cun s'art.), sa nódida rivista de literadura sarda chi at fundhadu Ànghelu Dettori / macu a i. = macu sinzoladu de un'ischíglia, pro l'ischire e pro si ndhe frànghere Sinonimi e contrari caciolu, sonagiolu, trillitu / cdh. schidha Frasi S'Ischíglia noa sonat pro sos amantiosos de su sardu ◊ sona, ischíglia, sona a tocos mannos! ◊ no est piús de oe chi semus a su puntu d'essire totu chin sos sonajolos, o siant sas iscríglias Terminologia scientifica snl Traduzioni Francese grelot Inglese cascabel Spagnolo esquila Italiano sonàglio Tedesco Schelle.

pitajólu, pitajóu , nm, nf: pitiola, pitiolu, pitiou Definizione sonagedha, ferru piticu prus che àteru longhitu, chi si apicat a su tzugu de is animales; a logos pitiolu dhu narant a su tzocadore o podhiale (ca faet frore a bisura de pitiolu) Sinonimi e contrari petiola, picaloru, sonagiolu / apensamentu Frasi is crabas dhi iant postu infatu cun is pitiolus chi sonànt che campanas a dópiu ◊ intro de sa badhe a cantilena repicat unu pitiolu ◊ sonas su sulitu in cuncórdiu cun pitiolus e trinitus 2. no ti dha pighis tropu a coru, a nci cravai atrus pitiolus in conca! Terminologia scientifica snl Traduzioni Francese grelot Inglese harness-bell Spagnolo sonajero Italiano sonàglio Tedesco Schelle.

sonagiólu , nm, nf: sonajola, sonajolu, sonajou Definizione prus che àteru, ferru pitichedhu chi si ponet a unos cantu animales apicau a su tzugu mescamente a gurdone, o a cannaca, po is festas, ma a logos fintzes sonàgia manna; css. aina po sonare; a logos su sonajolu est unu pische, sa burrida; a logos, sonagiolu est fintzes su sorrogu de unu morindhosi / apicai sonajolus a unu = bogàreli fogu, nàrrereli in ziru cosas chi no sunt Sinonimi e contrari ischíglia, pitiolu, trillitu / sonàgia / cdh. sunadholu, sunajolu, ttrs. sunajoru Frasi sas sonajolas de su bestiàmine tocaiant su tempus… Traduzioni Francese grelot Inglese cascabel Spagnolo cascabel Italiano sonàglio Tedesco Schelle.

trillítu , nm Definizione sonàgia pitichedhedhu chi si ponet a unos cantu animales apicada a su tzugu mescamente a trintzilleri, a collana, po is festas Sinonimi e contrari caciolu, dringhígliu, ischíglia, sonagiolu Terminologia scientifica snl Traduzioni Francese petit grelot Inglese little harness-bell Spagnolo cascabel, campanilla Italiano sonaglino Tedesco kleine Schelle.

trinnítu , nm Definizione sa sonàgia prus pitica chi si ponet a su bestiàmene (prus che àteru a is angiones) Sinonimi e contrari chícula, tintinnu, tríchili, tringhitu, trinnedhu Terminologia scientifica snl Etimo srd. Traduzioni Francese petit grelot pour agneaux Inglese lamb harness-bell Spagnolo esquila Italiano sonaglino per agnèlli Tedesco kleine Schelle.

«« Cerca di nuovo