Legenda Abbreviazioni | Legenda Simboli

alàru , nm: araru, laru Definizione lau eru, genia de linna chi faet a mata fintzes manna: bogat una birilledha o pibionedhu tundhu chi candho coet si faet niedhu, sa fògia est fragosa e s'impreat in coghina mescamente cun pische, e s'impreat fintzes po cura Sinonimi e contrari laberi, labru*, làtiu, lau, loru 1 Terminologia scientifica mtm, rbc, Laurus nobilis Traduzioni Francese laurier Inglese laurel Spagnolo laurel Italiano allòro Tedesco Lorbeerbaum.

alàse , nm: alasi, alàsia, alàsiu, olasi Definizione aràngiu burdu o aresti, genia de linna dereta (ma atrotigada) chi faet a mata fintzes manna, corgiolu birde, fògia ispinosa in is oros (in is cambos prus bàscios o candho est a prantone piticu) e frutighedhu (sa calidade fémina) a pibionedhu tundhu, orrúbiu, a gurdonedhu: faet in montes unu pagu artos / orruos de alasi = sas naes prus bassas de cust'àrbure segadas a ischimadura dae su truncu, manizadas pro fàghere frama meda Sinonimi e contrari arangiubburdu, banatuli, colóstiu, elatori, golosti, lauspinosu Terminologia scientifica mtr, Ilex aquifolium Etimo srdn. Traduzioni Francese houx commun, laurier piquant Inglese holly Spagnolo acebo Italiano agrifòglio Tedesco Stechpalme.

golósti, golóstiche, golóstise, golóstiu , nm: bolostru, colóstiu, golostri, golostru Definizione alàsiu, genia de linna tènnera (ma atrotigada de longu) chi faet a mata fintzes manna, corgiolu birde, fògia ispinosa in is oros (in is cambos prus bàscios ebbia o candho est a prantone minore) e (sa mata fémina) frutighedhu tundhu, orrúbiu: faet in montes unu pagu artos Sinonimi e contrari alase, arangiubburdu, banatuli, elatori, lauspinosu Frasi mi aiat frusciadu dae su litighedhu de sos golóstios in risposta a su giuilare meu (N.Falconi) Terminologia scientifica mtr, Ilex aquifolium Etimo srdn. Traduzioni Francese houx, laurier piquant Inglese holly Spagnolo acebo Italiano agrifòglio Tedesco Stechpalme, Ilex.

làbru , nm: làure, làuru 1, lavru Definizione lau veru, genia de linna chi faet a mata fintzes manna: bogat unu pibionedhu chi candho est cotu si faet niedhu, sa fògia est fragosa e s'impreat in is papares mescamente cun pische, ma s'impreat fintzes po cura Sinonimi e contrari alaru, làtiu, lau, loru 1 Frasi no fis in chirca de labru e ne de grória ◊ pone fozas de làuru a sa petza ca dha faet prus saboria! Terminologia scientifica mtm, rbc, Laurus nobilis Etimo ltn. laurus Traduzioni Francese laurier Inglese laurel Spagnolo laurel Italiano allòro Tedesco Lorbeer.

«« Cerca di nuovo