Legenda Abbreviazioni | Legenda Simboli

babbúcia , nf: bubbúcia, babbutza Definizione genia de iscarpa; genia de animale de mare Sinonimi e contrari caciola, calòscia, pédula / sélpia Etimo itl. babbuccia Traduzioni Francese pantoufle, seiche Inglese slipper, little cuttlefish Spagnolo pantofla, sepia Italiano pantòfola, seppiolina Tedesco Hausschuh, Tintenfischlein.

caciòla , nf: cartzola, cassola 1, catola, catzoba, catzola, craciola, cratzoba, cratzola, cratzolla Definizione cartzamenta, genia de cosíngiu, prus che àteru sabbata chentza carcangile de pònnere in domo comente usant is féminas (podet èssere fintzes de linna), ma a logos fintzes cosíngiu grussu, de orropu; segundhu is animales mannos (es. boes, crabas, cuadhos, porcos), s'unghedha, pígiu grussu de corru chi dhis ammontat is pódhighes (e po cussu a logos est fintzes su semu, pigiolu tostau chi creschet in is feridas sanandho); genia de animale de mare (sepia officinalis); s'orrugu grussu de linna chi, ispintu contra a su cricu de s'orroda, serbit a frenare su carru cun sa mecànica Sinonimi e contrari babbúcia, cantrofa, patita, sabbata, sàndhalu / ugna, unghedha / babbucedha, sélpia / croghedha Modi di dire csn: catzola ferrada = iscarpa a fundhu bullitadu; sa caciola de sa lanne = cocotu, croghedha, su covecu, chi si ndhe ispítzigat, ue sa landhe est atacada a su rampu; craciola de segada, de guroni = semu, pizu de sàmbene sicu; catola de mola = taulita chi tupat s'abbertura de fundhu de su lacu; sa terra fait a caciola = sa terra a ludu o tropu gàrriga si apítzigat a sas iscarpas; a catolinu = a zisa de catolas, de sabbatas Frasi tocai, lassaimí andai a mi ponni is crapitas, ca cun totu custu carraxu seu ancora a cratzollas! ◊ fut a colare comente potiamus: candho boliamus, peri cassolas nosi faiamus! ◊ sa mama a cratzoledhas, sa filla a capellina! ◊ portant cartzolas in s'istadi e botinus in s'ierru ◊ su pastore fut a cambales e a catzolas ferradas ◊ chie trebballat in campagna bollet catzolas pesantes, de orropu 2. a su porcu che li cherent catzadas sas catolas uscrendhe, candho sunt budhidas 3. iat incarrerau a proi… iat cumintzau a fai cratzoba e nd'iat fatu aici meda!… Cognomi e Proverbi smb: Catzola, Cazzola Terminologia scientifica bst Etimo ltn. calceola Traduzioni Francese pantoufle Inglese slipper Spagnolo babucha, chinela Italiano pianèlla, ciabatta Tedesco Schlappen.

calòscia , nf Definizione una genia de cosíngiu a sa bona, apertu meda Sinonimi e contrari babbúcia, pédula Traduzioni Francese pantoufle Inglese slipper Spagnolo pantufla, chinela Italiano pantòfola Tedesco Hausschuh.

cantròfa , nf Definizione una genia de cartzamenta po istare aintru de domo Sinonimi e contrari babbúcia, caciola, pantròfola, pédula, sabbata Traduzioni Francese pantoufle, mule Inglese slipper Spagnolo zapatilla, pantufla Italiano pantòfola Tedesco Pantoffel.

sabbàta , nf: ciabbata, sapata Definizione genia de cartzamenta de pagu contu, prus che àteru po istare in domo (ma fintzes catzola prus de imprastu)/ partes de sa sabbata: s'impena, su carcangili, is solas, su taconi, is origas (cun is istampos po intrare sa feta o codriola po dhas acapiare), su bruncaretu, su capígliu (in sa punta a parte de aintru), sa plantella Sinonimi e contrari babbúcia, caciola, patita Modi di dire csn: s. iscarcangilada = cun su carcanzu cossumidu, manigadu, abbatigadu; sabbatas discansadas = chi su pè bi istat bene; camminai cun sabbatas de plumbu = andharebbei abbellu, in carchi chistione; butega de sabbatas = butega de catolaju Etimo ctl. sabata Traduzioni Francese pantoufle, savate Inglese slipper Spagnolo zapatilla, pantufla Italiano ciabatta Tedesco Pantoffel, Hausschuh.

«« Cerca di nuovo