Ditzionàriu in línia
de sa limba e de sa cultura sarda

arrostíre , vrb: arrustire, arrustiri, orrostire Definizione fàere s'orrostu, còere in asciutu o fintzes assare in su fogu, mescamente in sa braxa; istare tropu acanta a su fogu / arrustiri a sa cadroxina = ponindhe sa cosa de arrustire subra de sa bràsia chentza cradiga Sinonimi e contrari arrustissare Frasi si arrustit sa peta, su pische, su pane, sa castanza ◊ is canateris ant arrustiu is crabitus ◊ est arrustendi pisci in sa cardiga ◊ calincuna cosa dh’eus giai ispitzuada arrustendi arrustendi 2. lassamiche istesiare de custu fogu, chi mi so arrustindhe! Etimo itl. Traduzioni Francese rôtir Inglese to roast Spagnolo asar Italiano arrostire Tedesco braten.

córdula , nf: Definizione s'istentina de unu pegus mescamente piticu filada, a imbodhigadura, cun àteros orrugos de matzàmene (bentre, cordule, orrugu de napa, àteru) e poi cota a orrostu o, si est pegus mannu, iscotada e apustis orrustia o fata a cassola / fai sa córdula a sa musca = èssere limidos, susuncus Sinonimi e contrari codra Terminologia scientifica mng Etimo srd. Traduzioni Francese tresse de boyaux servant à faire rôtir Inglese gut plait prepared to be roasted Spagnolo trenza, madeja, revoltillo, mazo Italiano tréccia di intestini per arròsti Tedesco Darmflechte zum Braten.