Legenda Abbreviazioni | Legenda Simboli

arrú , nm: arrua, arruvu, orrú, rú* Definizione sa tupa e su frutu de s’orruo, genia de linna chi faet a cambos longos, mussòrgias o cannas, totu ispina / a. cràbinu, arruvu cràviu, màsciu = rubu berbeghinu, ruburbinu; essiri de s’arrú e intrai in su titioni = andhare de male in peus; murighessa de s’arrua = mura, su frutu de su rú; sida de a. = canna de rú Sinonimi e contrari amura, lama 1, murarrú, orruile Frasi trobiu coment'e s'arrú cun su tintioni Cognomi e Proverbi smb: Arrú / prb: àxina cota e mura de arrú, dogna cosa a su tempus sú Terminologia scientifica mt, Rubus fruticosus Traduzioni Francese ronce Inglese bramble Spagnolo zarza Italiano róvo Tedesco Brombeerstrauch.

cagadía , nf: cogodia Definizione fodhe, frutu aortitzu de sa pruna, chi no ammadurat s'ossu e chi no dhu sèberat de sa prupa: abbarrat coment'e teghighedha, buida in mesu, ladita, modhe, in colore tra birde e biancu, bona a papare, de sabore marigosu, e apustis si sicat deunudotu Sinonimi e contrari tacatia 2. s'amistade issoro ch'est finida in cogodia e no si sunt mancu piús faedhados! Terminologia scientifica rbr Etimo srd. Traduzioni Francese fruit rabougri de la ronce Inglese withered fruit of the plum tree Spagnolo fruto apestado del endrino Italiano frutto imbozzacchito del pruno Tedesco eingeschrumpfter Frucht des Pflaumenbaums.

crisiòni , nm Definizione tupa o fintzes naes totu ispina Sinonimi e contrari berrisone, càlamu, crispione Frasi is pius chi portas parint una mata de crisioni! ◊ su pastori at serrau sa corti a crisionis Cognomi e Proverbi smb: Crisioni Traduzioni Francese branche épineuse, ronce Inglese dry branch Spagnolo rama espinosa Italiano ramo spinóso, stèrpo Tedesco dorniger Zweig.

murriòne , nm Definizione bruncu de linna, mescamente unu crispione; sa punta de s'iscala de su carru Sinonimi e contrari arrasolu, barasone, ghirrisone, raspisone, tupisone Etimo srd. Traduzioni Francese rejet, rejeton, brindille, petit bois, ronce Inglese knotty branch Spagnolo tocón Italiano brónco Tedesco Klotz.

orrú, orrúa , nm: arrú, orrubu, orruo, orruvu, rú* Definizione sa tupa e su frutu de s'orruo Sinonimi e contrari amura, lama 1, murarrú Frasi su logu est totu tupas de linna manna e arrampus de orrú ◊ dhue ndh'at orruo de segare!…◊ sa crésia orruta fut torrada a unu mògoro de pedra ammontadu de orruo ◊ candho at a èssere s'orrú lisu lisu chentza ispina… Cognomi e Proverbi smb: Orrú Terminologia scientifica mt, rubus fruticosus Traduzioni Francese ronce Inglese bramble Spagnolo zarzamora Italiano róvo Tedesco Brombeere.

rú , nm: arrú, orrú, rubu, rugu 1, ruo, ruvu Definizione sa tupa e su frutu de sa mura de orruo / min. ruedhu (orruo etotu); pl. ruos / rubu berbeghinu = ruburbinu, rú cadhinu, rú cràbinu: su chi bogat sa rosa canina o rosa padedha, rú màsciu / tupale, tupa, mata de rú; canna de rú = tentalza, àlamu Sinonimi e contrari amura, lama 1, murarrú Frasi bi faghes mala figura che berveghe tenta a ruos! ◊ est una cresura de ruo ◊ tiria, teti, rugu e garduleu mi ant bistu vortulandhe a brente a susu (A.Nanni)◊ no si collit àchina dae su rubu! Cognomi e Proverbi smb: (De)rrú, Ru Terminologia scientifica mt, Rubus fruticosus Etimo ltn. rubus Traduzioni Francese ronce Inglese bramble Spagnolo zarza Italiano róvo Tedesco Brombeere.

tentàlza , nf: tentarza Definizione pértiga longa de orruo, cambu de orruo totu ispina Sinonimi e contrari àlamu, lama 1 Terminologia scientifica rbr Etimo srd. Traduzioni Francese branche de la ronce Inglese brier branch Spagnolo rama de zarza Italiano ramo del róvo Tedesco Zweig des Brombeerstrauches.

«« Cerca di nuovo